Ni Jonathan F. Tumulak
Thursday, May 5, 2011
USA ka Kano wa mobayad sa motel ug gipasanginlan sa duha ka mga babaye nga mugbo og lupad nga gidungan sila sa paggamit apan way bayri.
Apan sa dimalas ang maong langyaw, kay wa masuhito sa lugar, nadakpan siya sa niresponding pulis sa usa ka motel sa V. Rama Avenue pasado alas 3 kagahapon sa kadlawon.
Ang suspek nga gidakop giila sa kapulisan nga mao si Rhaso Altidor, taga New Jersey, Estados Unidos, apan lumad nga taga Haiti.
Ang nireklamo mao ang tagdumala sa motel ug ang duha ka mga babaye nga sila si “Gina,†27, ug si “Myla,†24.
Si SPO4 Carlito Cosare sa San Nicolas police nagkanayon nga nagkita sa usa ka imnanan sa dalan F. Ramos ang langyaw uban sa duha ka mga babaye.
Nag-inom pa ang tulo hangtod nga nagkasinabot sila nga manggawas ug manulod og motel bugti sa tag P5,000 nga bayad matag usa ka babaye.
Tungod sa kadako sa gisaad nga bayad, wa kini balibari sa gagmay nga mga babaye ug nisugot bisan pa man sa gidak-on ug gitas-on sa langyaw.
Si Gina nga nahinabi sa Sun.Star Superbalita niingon nga samtang didto na sulod sa motel, gidungan sila sa langyaw sa paggamit, apan sa dihang nakalingkawas ang langyaw, ila na kining gipaninglan, apan wa na mobayad.
Nikalit kini paggawas sa lawak dayon nigawas sa gate hangtod nga nidagan paingon sa gawas sa motel.
Naalarma ang mga roomboy ug security guard, nitawag sila sa kapulisan hangtod nga nagukdan ug nadakpan kini sa dan A. Lopez.
Atol sa pasiuna nga imbestigasyon, si Altidor niingon nga gibayran na niya og tag P1,000 ang maong mga babaye.
Iyang nasakpan si “Gina†nga nimaniho pagkuot sa iyang kwarta sulod sa iyang pitaka, samtang naggamit siya kang Myla.
Sulod usab sa presinto, ang langyaw nibayad sa motel samtang ang duha ka mga babaye ningpirma nga di na lang sila mokiha.
Ang langyaw gibuhian samtang namauli ang mga babaye nga gigamit sa biktima.
Gipatik sa mantalaang SuperBalita Cebu Mayo 06, 2011. Linkback:
https://tubagbohol.mikeligalig.com/index.php?topic=40548.0