Apila ko sa listahan.
Gwargz Prudente Monreal, Malaybalay City & Davao City
Ulahi na man jod ang tanan.
Pero naa pa daghan kalungsoran nga daghan ug Acacia ug mga Narra
sa plaza sa simbahan ug mga eskwelahan. Kada usa nato dinhi sa TB,
gikan sa nagkalain-laing lungsod sa Bohol. Busa magpakabana ta dili lang
sa nahitabo sa Guindulman kon dili sa atong tagsa-tagsa ka lungsod
nga naa pa ang Haring Kahoy.
Sa akong personal nga pangwenta, gi-dali-dali ug putol ang mga kahoy
sa Guindulman without researching kon unsay maayong buhaton, putlon o dili.
Wala gani seguro consultation sa katawhan.
Isip gamay nga ideya, para sa ubang lungsod nga wa pa putli,
pwede man unta to dili lang hilabtan. Puongan lang sa mga patay nga sanga
aron dili maka-disgrasya. Kon may bangag man galing sa punoan, which is
maoy kasagarang sakit sa Acacia, pwede man na hinloan ug aplayan ug medisina
nga maayo siya.
Sama sa mga Acacia sa Forbes sa Makati. Halos tanan punoan sa Acacia
naay bangag. Kon sa ngipon pa, gikiki ug nangabuslot na. Apan pinaagi
sa bag-ong technology sa pagpreserbar sa kahoy, nangaayo na kini tanan
ug nindot na tan-awon.
Ang mga nagputol ato segurado ako nga wala kabalo ani nga pamaagi
kay wala lagi mangunsulta. Hinaot patamnon ug 100 Acacia trees tong
nagputol, nagsugo pagputol, nagpirma aron maputol ang mga kahoy
sa Guindulman.
Linkback:
https://tubagbohol.mikeligalig.com/index.php?topic=27532.0