AMAHAN KO NGANONG GIBIYA-AN MO AKOUsa kini ka pulong ni Hesukristo
Apan kini pod nga mga pulong nadungog ko
Samtang naglingkod kos kilid sa damyo
Amahan ko nganong gibiy-an mo ako
Wala man unta ako magsugo kaninyo
Nga ipakatawo ako didto
Nganong gipakatawo pa man ko ninyo
Unya ig ka human biya-an ra ako
Wala ba gayud hunahuna-a ninyo
Nga sa pagdaku ko dili kini makaayo
Sa paghulma sa kaugalingon ko
Daghan ang mga higala ko nga nag bisyo
Nahimong sagbot sa katilingban nga maayo
Ug imo silang pangutan-on ug maayo
Daghan kanila ang mo tubag kanimo
Tungod kay nawad-an sila ug maayong tao
Nga mo giya, maminaw, mo agak,
Mo tambag ug unsay maayo
Tungod kay gusto nila nga mahatagan
Sila ug panahon nga pamilya nila bebo
Amahan ko Nganong Gibiya-an mo Ako
Sa panahon nga mo saka ko sa intablado
Magpanglingi ko pamasin nga ikaw makita didto
Tungod kay gusto unta ko nga kompleto
Ig dawat ko sa mga ribbon ug plaka ko
Apan bisan unsaon naku ug lingi sa luyo
Ni anino mo wala gayud didto
Amahan ko Nganong Gibiya-an mo Ako
Maglaway ko samtang magtan-aw sa ubang higala ko
Samtang mag lakaw sila nga kompleto ug magkokabildo
Mangutana pod dayon ko, ug ako kaha kompleto
Mgamalipayon siguro pod ang kinabuhi ko
Amahan ko Nganong Gibiya-an mo Ako
Dugay na tika nga gi pasaylo apan
Uwat ning dughan ko nagpabilin nga klaro
Tungod kay ako naghandom pa man sa pagbalik mo
Dugay ra tika nga gi pasaylo tungod kay nakasabot ko
Nga ikaw usa pod ka tao sama ko nga usahay
Magpadala sa desisyon nga dili sakto
Desisyon nga walay laing gi tan-aw kon dili kaugalingon mo
Amahan ko Nganong Gibiya-an mo Ako
Mangayo ako ug pasaylo kanimo
Kay tungod nga ako wala gayud makatabang kanimo
Sa dihang gikinahanglan unta nimo ang tabang ko
Unsaon man bata pa man pod ko adto
Wala pa koy kabangkaagan ug unsaon to
Bisan pa ma usahay ako padamguhon mo apan
Dili gihapon ako sigurado ug unsaon jud to
Amahan Nganong Gibiya-an mo ako
Ug nahibalo pa lang ikaw ug unsay sulod ning dughan ko
Gimingaw ako kaayo kanimo
Apan bisan unsaon naku ug handum kanimo
Dili na gayud ikaw makita ko tungod kay ikaw
Tua naman sa karon sa laing planeta o kaha
Sa kalibutan sa ilang gitawag ug purgatory
Manghinaut nalang ako nga ikaw ana sa maayo
Uban sa mga tawo nga nidangat napod diha sama nimo.
Linkback:
https://tubagbohol.mikeligalig.com/index.php?topic=19857.0