IMPORTANTE KA BAKasagaran sa atoa moangay ug hatagan ug importansya
Nindot man pod ni siya diba,kalami anang importante ka
Apan usahay sa kinabuhi ta
Kinahanglan pod ibutang nato sa lugar atong importansya
Kay usahay ug magsige ka ug kadawat ug importansya
Ulo nimo mo daku na unya malumos ka, makalimot ka
Nga nasobrahan na diay ug butang ug importansya sa imoha
Ang ma resulta,makataw-an ka kay medyo sobra na
Tinuod ang giingon nga kinahanglan mo respeto ta
Sa mga taong anaa sa taas nga lamesa
Apan usahay man gud,makuha-an ang resperto nato nila
Tungod kay sila man pod ang naghimo ug eksena nga dili maayo sa mata
Tinuod pod dili nato angayan nga husgahan nato sila
Apan dili pod malikayan nga mo komento ta
Kay dili man maayo atong nakita sa mata
Tinuod walay tao sa kalibutan nga perpekto na
Mao pod na ang rason nga kitang tanan gihatagan ug mata
Aron makita nato ang kulang sa usa ug ato siyang
Ingnon nga naay muta ang imong mata pahiri siya
Kaso lang usahay ang atong pag ingon sa iyaha
Wala ma subay sa tamang nota,usahay sobra ra
Maong ang imong gi buyag nga gi muta siya
Masuko sa imoha kay wala man nimo matarong ug kanta
Ana ra gud na siya ang kinabuhi ta
Puno sa Pagdayeg ug pagkuriher sa usag usa
Puno sa pagpaningkamot nga mo lambo ta
Apan usahay makalimot ta tungod kay kaugalingon ta
Mao ray gi tutukan sa atong mata
Nahimo na hinuong makasarili ta ug mao nang
Ug mo adto ta sa usa ka lugar nila
Magpatigbabaw ang atong gusto nga hatagan ta
Ug igong importansya aron ipakita nila nga daku ka
Apan wala ba kamo mahibalo sa sekreto sa kinabuhi ta
Matod pa sa usa ka libro nga akong nabasa
Ug magpataas ka,ipaubos hinuon ka
Ug magpaubos ka,Ipataas ka ug maayo niya
Sakto jud diay nang atong susihon permi kaugalingon ta
Ug nasobrahan ba ang pag kinto nato aron mo taas ta
Kay basin sa sige ug kinto nato aron mo taas ta
Naa na diay tiil nga na tumban ta ug nayatakan ta
Ug mao ra pod kana ang usa ka rason nga mahulog ta.
Linkback:
https://tubagbohol.mikeligalig.com/index.php?topic=19857.0