PAMALANDONG NGA GINAGMAY NI INDAYDaghang nanglangoy,tao,hayop ug kahoy
Mga balay daghang ga bitay,daghang nanglatay
Mga sakyanan ug kabtangan naglutaw-lutaw
Tanang taw natukaw pobre ug datu ga pulaw
Ug labaw sa tanan,daghang taw nahanaw
Wala kini damha sa mga taw nga mo gimaw
Mahinumdom man ta ani sa mga nanglabay
Sa sinugdanan sa kinabuhi nila Noah diay
Mga tao,hayop ug uban pa nangamatay
Ug ang hinungdan diay nanghinlo ang atong tatay
Kay ang iyang mga anak labihay na ang sungay
Karon nakahunahuna si Inday
Ug unsa ang gibati ug plano ni tatay nga
Nisugot man siya nga tanan maukay ug naay mamatay
Dinhi nato makita ug unsa ug kinsa jud ang atong Tatay
Dinhi nato mahibalo-an ug unsa kadako si Tatay
Ug unsa kadako sa gugma sa atong tatay nga labihay
Ang uban mangutana kang Tatay ngano man Tay
Gikuha nimo ang kinabuhi ni Nanay ug Inday nga piskay
Aduna poy uban moingon nga salamat Tay kay kaming
Tanan sa banay nakalikay bahala na ug way balay
Aduna poy niingon bulahan ka Tay kay unta hapit na
Kami mangamatay apan naay milagrong tabang nilabay
Kini pipila lamang sa gihinuktukan karon ni Inday
Samtang nagsud-ong sa nahitabo nga nagkagidlay
Matod pa ni Inday,ang kinabuhi diyotay ra jud diay
Usahay sa kalit lang mo lanay daw sama sa camay
Usahay moingon ang uban nga banay sila piskay
Apan ug moabot na ang hulga sa kinaiyahan ni Tatay
Wa nay piliay,dagkong balay mopahuway
Bisan unsa pa ka piskay ug lapokan na mo yayay diay
Karon nisulod sa alimpatakan ni Inday
Mohunong kuno kita ug dyotay
Ug maghunahuna ay,asa naka dapit Bay
Unsa ang ana-a sa dughan nimo karon Day
Unsa man imong ikasulti sa bag-ong nilabay
Para ni Inday,kinabuhi ta piskay ug haruhay
Apan kinahanglan ug alimahan nato ni Day
Kay tungod nga naa diay tag-iya ani Bay
Nga usahay ug ato siyang e salikway o ilabay
Kuhiton ta niya madugay ug pamat-on Bay
Kay basin perti na natong busyha ug panumbay
Aron kinabuhi ta mapiskay apan ang tag-iya diay
Nakalimtan na nato sa kadugay nga siya diay
Ang bugtong nagsung-ay aron kita malipay,
Musanay ug maharuhay apan wala kita maglikay
Ato ra siyang gi biay-biay ug gilabay tungod kay
Kita an-a sa tunga sa kalipay ug kaharuhay
Usahay makalimtan nato siya ug dugay kay tungod
Kasingkasing ta napuno na sa laway nga nagtabisay
Napuno sa kaaligotgot ug kapungot maong dili kadagkot
Karon nga aduna nay nahitabo nga maot
Walay bisan usa nga nahimuot tungod kay tanan
Nagdungsingot ug lugnot aron maka abot sa laot
Karon ako manghinaut nga kitang natan nakasabot
Ug unsa ang mensahe nga iyang ipaabot
Kanatong tanang nga adunay lubot.
Linkback:
https://tubagbohol.mikeligalig.com/index.php?topic=19857.0