Microsoft
pCloud Premium

Cogon Market Fire Victims

  • 0 replies
  • 371 views
Cogon Market Fire Victims
« on: November 23, 2019, 04:15:28 PM »
By Rey Tutas
MGA NASUNUGAN SA COGON PUBLIC MARKET, NAKADAWAT OG PINANSIYAL NGA HINABANG GIKAN KANG KONG. CHATTO

Mikabat tanan sa P355,000.00 ang pinansiyal nga hinabang ang gihatag ni Kongresista Edgar Chatto sa unang distrito sa Bohol ngadto sa mga nasunugan sa merkado publiko sa Cogon ning siyudad sa Tagbilaran.

Personal nga gitunol ni Kong. Chatto ang P5,000.00 cash kada usa sa 71 ka benepisyaryo kagahapon, Nob. 15, didto mismo sa nasunog nga merkado.

Moabot tanan sa 76 ka biktima sa sunog ang benepisyaryo sa pinansiyal nga hinabang gikan kang Chatto pinaagi sa Department of Social Welfare and Development (DSWD) apan 71 lang unang ang pasiuna nga nahatagan tungod kay gipaabot pa nga mahuman ang nahabiling lima sa gikinahanglang rekisitos.

Gipasabot ni Kong. Chatto nga nadugay ang paghatag sa pinansiyal nga hinabang kay giproseso pa ang mga requirements sa mga biktima sa sunog.

Misaksi sa paghatag sa pinansiyal nga hinabang sila si Bise Mayor Jose Antonio Veloso, Bokal Ricky Masamayor, Aldner Damalerio, kapikas ni Mayor Baba Yap nga si Jane ug Kapitan Nick Besas sa Barangay Cogon, amahan ni Kongresista Alexie Tutor sa tersero distrito.

Gikalipay sa mga biktima sa sunog ang ilang nadawat nga ayuda gikan sa kanhi gobernador.

Ang mga biktima sa sunog sa merkado sa Cogon niadtong Hulyo 10, 2019 wa pa gyud hingpit nga nakabangon tungod kay tolda o trapal lang ang ilang gihimong silonganan aron makapamaligya sa ilang mga produkto.(ReyTuts)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91537.msg661290#msg661290

 

pCloud Premium