ug nidayon si Nethla sa sulod sa akong gi-rentahan nga kwarto.
nag-soot siya og pedal nga jeans. maong sab nga sinena. ug nisanag iyang puting paa sa nagngi-ob nga lawak.
pinasulti pa sya: Ok pod ning dapita dah.
di ko kalimot asa nga sook sa lawak siya ni lingkod. didto. gipiko niya iyang duha ka paa, tingali aron dili kaayo siya tugnawon sa nag-haguros nga hangin sa aircon.
ako siyang gidool ug gihikap ko iyang aping...lomoy ug daw gipanugnaw.
unsa jud kaha ang naa sulod sa iyang hunahuna sulod aning maong lawak nga kami rang duha? kung ako ang pangutan-on, duha ra akong gihunahuna. siya ug ako. korni. hahaha
dinhi ko nasuta unsa jud ko kamahal niya. ngano jud kaha, no, nga mogahin man jud ang kasingkasing kung kini nay mo-hangyo bisan pag daghang mo-dumili niini? ug dili lang gahin sa usa ka oras, kundi gahin sa usa ka kinabuhi, kusog, kalag ug hunahuna. ang pagduhaduha nga nitubo sa milabayng pila ka adlaw, nahimo naman hinoong usa ka mapangahasong pagbati, boot mosinghag sa adlaw nga papahulayon nas iyang pagsilaw.
kung ang bino makapaisog pagsulti sa tinood, o bakak...ang gugma makapaisog pagbuhat bisan kung di na kini usahay masabtan.
gipiso nako ang iyang aping. miping-it ang babaye...murag bata nga di na gustong moundang pag-soso sa gatasan sa inahan. gusto na lang niya, pisoon permi; piso nga hinimo sa mahinangpon kong mga kamot. hehehe
I love you...matud pa nako. wa siya motingog.
Ug mitan-aw siya punting sa akong mga mata. murag iring nga nakakita sa gisab-it nga buwad, boot na niyang kining luksoon ug pagakan-on.
(iyang paborito nga akong kantahon kung magvideoke ko...)
Something New In My Life - stephen bishopLinkback:
https://tubagbohol.mikeligalig.com/index.php?topic=18186.0