Makatakod ning imong nostalgia, Glace. Mao diay ni ang Holiday (dili ang kanta ni Martin Nievera) nga usahay mobalik sa akong panumdoman.
eons ago...pasalamat ko nga nakamata pa ko karong kadlawna...
nibalik akong panumduman sa miaging adlaw...haskang hadloka nako.
kay tiaw ba nang hapit ko malumos sa suba? di man gud pa ko kamao
molangoy ato.
bata pa si tarzan glacier. nagkombabit pa kos akong mga
kahadlok niadtong panahona. bisan gani paglaag sa merkado, inig uli
kung gabii na, bitbiton man nako ang akong tsinelas aron modagan kay
naa konoy wakwak manukob og batang laagan. paskang pagkailara nako,
kung karon ko maghunahuna.
pero misuway kog kapyot sa bagon sa kaisog, usa ka adlaw. miikyas mis
eskwelahan kay aron maligo sa suba. gabawon ra pod mig nilutong pawo
kay unyag gutomon. haskang buanga, pagkalayo man diay atong among
giadtoan. taliwa man diay sa katunggan. ug sa nakita namo ang suba,
kaanindot sa tubig...nangambak sila akong mga amigo. ako ang nabilin
sa daplin, naghunahuna, gibatig kaibog sa ilang pagsawomsawom sa
tubig. ug sa kalit, miambak si tarzan gikan sa bagon sa iyang kaisog nga
nausab ngadto sa kahadlok, kay di nako katunga gikan sa ilawom sa
tubig. sige nako'g paningkamot mogawas sa tubig, wa koy nahimo.
hangtud nabati ko na lang ang kamot nga mitulod kanako padulong sa daplin.
naluwas akong kinabuhi, apan mibudlot akong tiyan
kay nakainum kog daghang tubig.
hahay, kung nganong miikyas. wa nasayod akong tatay ug nanay
niining akong kaagi kay kabalo ko latos akong mapopho.
kining awita maoy nagpahinumdum nako niadtong hitabo...
sige nako ni mabati nga molanog gikan sa buwangan matag-domingo,
kung diin tua kos tibaw namasol og isda...layo sa suba.
ang radyo nagpatukar na sad..
http://www.youtube.com/watch?v=d8s3A-B4oas