KGG. BERNADETTE “BH” HERRERA-DY
Bagong Henerasyon Party-list
Chair, Committee on Public Information
GAA review – DSWD, PCOO, DICT, CHED, at DOH
ALAGA ANG MAHIHIRAP SA 2018 NATIONAL BUDGET
Naglaan ang Kongreso ng P1.184 billion para sa Tax Reform Cash Transfer Program sa loob ng budget ng DSWD para sa mga mahihirap na maapektuhan ng epekto ng pagtaas ng buwis, sabi ni Bagong Henerasyon Party-list congresswoman Bernadette Herrera-Dy, Vice Chair ng House Committee on Welfare of Children.
“Ang Tax Reform Cash Transfer Program na P1.184 billion ay bukod pa sa P89.4 billion para sa 4Ps program ng DSWD, P19.26 billion para sa indigent seniors, P3.42 billion para sa feeding program, at P38.9 million para sa street children,” aniya.
Nakalaan sa 4Ps ang pinamalaking bulto—halos 65 percent—ng P137.67 billion DSWD budget. P82.077 billion niyan ay yung mismong cash grants.
“Para maipabatid sa taumbayan ang mga programa ng gobyerno, binigyan ng Kongreso ang Presidential Communications Operations Office (PCOO) at mga ahensiya nito ng P1.095 billion na kabuuang budget. Nasa Bureau of Broadcast Services ang pinamalaking bahagi na P370 million,” sambit ng congresswoman, na chair ng House Committee on Public Information.
Iyong mga ahensiyang laging kasama ng Pangulo, ang Presidential Broadcast Staff at ang News and Information Bureau ay mayroong budget na P210 million at P129 million, habang ang Philippine Information Agency ay P129 million ang pondo.
“Para hindi mapag-iwanan ang masa sa mga latest trend sa internet , P1.74 billion ang inilaan na budget para sa free wifi connectivity in public places,” ayon kay Herrera-Dy na isa sa mga principal authors ng RA 10929 (Free Internet Access in Public Places Act)
“Malaki ang naisabatas na budget para sa SUCs, CHED, at TESDA bilang pagtupad sa pangako ng administrasyong Duterte na gawing libre ang college education. Bukod sa budget ng bawat SUC, P5.86 billion ang magagamit ng CHED sa Tulong-Dunong grants at incentives para sa mga kabataan habang P3.9 billion naman ang para sa mga college faculty na pinag-aaral ngayon ng CHED ng masters at Ph.Ds,” dagdag pa ni Herrera-Dy, isa sa principal authors sa Kamara ng RA 10931 (Universal Access to Quality Tertiary Education Act)
Malaki rin ang budget sa 2018 para sa kalusugan ng pamilya. “Sa DOH budget na P106 billion, P4.34 billion dito ang pondo para sa indigents at P15.5 billion ang para sa pambili ng mga gamot at bakuna,” aniya.
P2.09 billion ang pondo para sa barangay health stations sa buong bansa at P6.798 billion ay pambili ng hospital equipment, habang sa PhilHealth ay P57.1 billion. (WAKAS).
REFERENCES:
http://www.dbm.gov.ph/wp-content/uploads/NEP2018/DSWD/A.pdf http://www.dbm.gov.ph/wp-content/uploads/NEP2018/DOH/A.pdfhttp://www.dbm.gov.ph/wp-content/uploads/NEP2018/HFEP.pdfhttp://www.dbm.gov.ph/?page_id=21152Linkback:
https://tubagbohol.mikeligalig.com/index.php?topic=88811.0