Mora'g amgid-amgid ni sa gipasiugdahan ni "sumbohan"...
Tambagi ko Noy Kulas: Uyab ni Father
Friday, January 28, 2011
DEAR Noy Kulas,
Tautaud na unta kong nakasuwat nimo apan nagpanagana ko kay gawas nga di ni akoang problema, nagpanagana sab ko nga masuko ang akoang amiga.
Ingon ani man gud. Dihang mo-graduate pa mi sa college, nakauyab siyag hapit na mahimong pari. Nagpadayon ang ilang relasyon hangtod nga mi-graduate mi sa college. Sa sinugdan okay lang ang akoang paminaw sa ilahang duha. Apan dihang nahimong pari ang iyang BF, gilainan na man ko kay pari gud siya. Di ba gidili man nila ang pagpakigrelasyon og babaye? Tinuod dalaga ang akoang amiga apan pari gud siya. Maora siyag gikasal na sa Ginouo.
Tan-aw nako komplikado man ang ilang situation kay mabdos ang akoang amiga. Kinsa pa may father nga wa man siyay laing uyab? Wa ra ba makahibawo ang iyang parents nga pari iyang uyab. Di man magsul-ob og senina sa pari kon moduaw sa ilaha.
Unsa may akong buhaton aning ilang sitwasyon? Mahimo ba silang mareklamo ug mabadlong ang pari?
LYSA
Lysa,
Salamat sa imong pagsalig nako. Di ka unta angay maproblema niini kay di man ikaw ang concerned. Tinuod amiga mo but ang iyang kinabuhi is private. Kon nagkaestorya n among duha bahin ini ug naka-decide na siya sa iyang situation, wa na tay mahimo niana.
Respect her decision kay iya man nang kinabuhi. Iyaha man nang choice. Anyway, she is mature enough to decide for herself.
Apan sa akong pagtuo Katoliko ka man, then ang mahimo niini mao ang paghimo og lakang isip believer and a parishioner bisan kon wan a siya mag-alagad sa inyohang parokya. Suwayi pagpakig-estorya ang church officials kay kana sila mohimo gyud og lakang kay kontrobersyal baya na. Lain na sab na nga labad sa ulo nila.
Ihatag nila ang information aron mapahibawo ang direct officials niana niya. By the way, ayaw lang kadismaya og pag-usab sa imong pagtuo. Ang pari is as human as we are.
Mao bitaw intawon mag-request na sila nato nga magpaampo kay they need it. Kusog kaayo ang tentasyon alang kanila. Ako bitaw di man ko matandog og ingon niana kay ako nagtuo nga ang akong kaluwasan wa magsandig nila kay it is between me and God and how I relate sa isig katawo. They provide a venue for our redemption though kay sila mga alagad sa Diyos.
Kon masuko ang imong amiga, take it kay you are doing her a favor. Bahala nag unsay iyang tan-aw basta ang imong gibuhat husto. Wa nimo siya hilabti sa iyang relasyon but since ang iyang karelasyon pari, as parishioner, imong responsibility ang paghimog lakang.
NOY KULAS
Gipatik sa mantalaang SuperBalita Cebu Enero 29, 2011.
Linkback:
https://tubagbohol.mikeligalig.com/index.php?topic=36303.0