Call center agent miambak sa building
SuperBalita Cebu
Ni Joy F. Tumulak ug Ogherty B. Lopez
Saturday, August 16, 2014
LALAKING call center agent nga wa makaaguwanta sa kasakit sa pagbuwag sa iyang uyab niambak sa roofdeck sa i2 building sa Cebu IT Park, siyudad sa Sugbo kagahapon sa kaadlawon.
Si Ernie Cadjong Antigua Jr., 25, taga dan Ouano, Barangay Looc, siyudad sa Mandaue ug kawani sa Convergys, namatay diha-diha sa iyang pagtugpa sa ubos nga nakahingangha ug nakapahadlok sa mga kawani sa business process outsourcing nga nang-snack samtang ang uban naghuwat nga makasakay sa elevator.
Ang iyang paglayat sa 12-ka-andana nga edipisyo nakuhaan og footage sa close circuit television (CCTV) camera, matod sa kapulisan.
Sa imbestigasyon ni SPO4 Rey Cuyos sa Homicide Section sa Cebu City Police Office (CCPO), ang biktima yano rang naglakaw sa pagsulod sa building ug nisaka sa ibabaw.
Si Antigua, kinsa anaa manrabaho sa 12th floor sa maong building, nakita sa CCTV nga nagsige pa og tan-aw sa ubos nga bahin sa wa pa moambak.
Sa wa pa siya maghikog, nagsuwat pa siya og suicide note sa iyang Facebook account nga naghisgot sa kasakit sa gibuhat sa iyang uyab kaniya.
“Gibuwagan ko niya without any certain reason and that hurts me the most, specially seeing her with other guys dancing, laughing and having fun with,†matod niya.
Ang labing sakit kay iyang nahibaw-an nga duna na diay laing uyab ang babaye.
“Gibuwagan ko niya for no reason and I just found out nga naa diay siyay laing guy,†nagkanayon si Antigua sa iyang post.
Ang iyang post gi-delete, apan uwahi na kay nag-viral kini human sa iyang pag-ambak.
Linkback:
https://tubagbohol.mikeligalig.com/index.php?topic=78883.0