TUBAGBOHOL.com with Ligalig Mike Ortega

Into Your Heart => Love Talk => Topic started by: hubag bohol on August 17, 2014, 02:35:11 PM

Title: Hinigugma nga wa na higugmaa gitukmod sa kamatayon sa gugmang way kamatayon
Post by: hubag bohol on August 17, 2014, 02:35:11 PM
Call center agent miambak sa building
SuperBalita Cebu
Ni Joy F. Tumulak ug Ogherty B. Lopez
Saturday, August 16, 2014


LALAKING call center agent nga wa makaaguwanta sa kasakit sa pagbuwag sa iyang uyab niambak sa roofdeck sa i2 building sa Cebu IT Park, siyudad sa Sugbo kagahapon sa kaadlawon.

Si Ernie Cadjong Antigua Jr., 25, taga dan Ouano, Barangay Looc, siyudad sa Mandaue ug kawani sa Convergys, namatay diha-diha sa iyang pagtugpa sa ubos nga nakahingangha ug nakapahadlok sa mga kawani sa business process outsourcing nga nang-snack samtang ang uban naghuwat nga makasakay sa elevator.

Ang iyang paglayat sa 12-ka-andana nga edipisyo nakuhaan og footage sa close circuit television (CCTV) camera, matod sa kapulisan.

Sa imbestigasyon ni SPO4 Rey Cuyos sa Homicide Section sa Cebu City Police Office (CCPO), ang biktima yano rang naglakaw sa pagsulod sa building ug nisaka sa ibabaw.

Si Antigua, kinsa anaa manrabaho sa 12th floor sa maong building, nakita sa CCTV nga nagsige pa og tan-aw sa ubos nga bahin sa wa pa moambak.

Sa wa pa siya maghikog, nagsuwat pa siya og suicide note sa iyang Facebook account nga naghisgot sa kasakit sa gibuhat sa iyang uyab kaniya.

“Gibuwagan ko niya without any certain reason and that hurts me the most, specially seeing her with other guys dancing, laughing and having fun with,” matod niya.

Ang labing sakit kay iyang nahibaw-an nga duna na diay laing uyab ang babaye.

“Gibuwagan ko niya for no reason and I just found out nga naa diay siyay laing guy,” nagkanayon si Antigua sa iyang post.

Ang iyang post gi-delete, apan uwahi na kay nag-viral kini human sa iyang pag-ambak.
Title: Re: Hinigugma nga wa na higugmaa gitukmod sa kamatayon sa gugmang way kamatayon
Post by: hubag bohol on August 17, 2014, 02:36:17 PM
Ang iyang igsuon nga si Roxanne Antigua, 20, nihatag sa kapulisan sa unom ka pahina nga handwritten suicide note sa biktima, kinsa nangayog pasaylo ug nagpasalamat sa iyang mga ginikanan, higala ug kauban sa trabaho.

“To my mama and papa, sorry if I fail you because of just one girl,” matod sa post sa biktima.

Nagkalain-lain ang reaksiyon sa publiko nga na­kabasa sa maong post.

Dunay ni-post sa giingong hulagway sa babaye (ngan gipugngan) nga gisaway ang dagway niini.

“Babaye nga salawahan. Mayra og dili na siya makatulog,” matod sa usa ka Gemma sa iyang comment sa post.

Duna say gianugnan sa iyang gibuhat. “Sayangas iyang kinabuhi, daghan paman untang inday sa kalibutan.”

Bisan pa sa gibuhat sa babaye kaniya, giangkon sa biktima nga nahigugma pa gihapon siya niini.

“I love you so much and that even my death could not stop me from loving you,” tipik sa suicide note ni Antigua.

Matod ni Cuyos nga si Antigua nisulti sa iyang igsuong babaye kabahin sa iyang bank account ug nisulti nga gamiton ang kuwarta alang sa ilang mga ginikanan.

“Nahibung siya ngano nag-ingato iyang igsuon. Pero wala sila nagtuo nga magpakamatay diay,” matod ni Cuyos.

Ang biktima naa gihaya sa Cebu Rolling Hills sa A.S. Fortuna st., Mandaue City.

Si Hanica Pacis, communications manager ug tigpa­maba sa Convergys, nisulti sa Sun.Star Cebu nga naguol sila sa hitabo ug andam silang mokooperar sa awtoridad.

Matod niya nga ang staff sa Sugbo motabang sa pamilya sa biktima sa pagpalubong kaniya. (Dugang taho ni DSM sa Sun.Star Cebu)
Title: Re: Hinigugma nga wa na higugmaa gitukmod sa kamatayon sa gugmang way kamatayon
Post by: hubag bohol on August 17, 2014, 02:38:40 PM
I love you so much and that even my death could not stop me from loving you[/b],” tipik sa suicide note ni Antigua.
Ngilngigang gugmaha... :(
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal