Isang lalaki na may-ari ng sari-sari store ang pinaghahanap ngayon ng pulisya makaraang dalawang katao ang namatay habang 9 na iba pa ang sugatan sa nangyaring pagsabog ng isang container ng gasolina na pabiro nitong sinindihan ngunit biglang sumabog kamakalawa sa Barangay Abuyon, San Narciso, Quezon.
Ayon kay PO3 Isagani de los Santos, ang pinaghahanap ay si Rolando Espelita na sugatan din matapos ang pagsabog pero biglang naglaho sa lugar.
Sa tindi ng pagsabog na may kasamang apoy, binawian ng buhay ang batang si Reslie Ann Rivano, 12, at si Irma Pinid, 26.
Kinilala ang iba pang nasugatan na si Medelyn, asawa ng tumakas na suspek, at mga anak na sina Kim Andrew, 10 at Kim Rolan, 12.
Sugatan din ang magkakapatid na sina Gracia, Edna at Radel Rivano; Rodel Tamo, Imat Pinid at Jodie Rivano, pawang mga residente sa nabanggit na lugar.
Linkback:
https://tubagbohol.mikeligalig.com/index.php?topic=57707.0