Ni Dennes R. Tabar
Friday, June 8, 2012
ANG mga masusong triplets sa Mandaue City nagkinahanglan karon og tabang, ilabi na sa ilang tambal ug gatas.
Kagahapon naghuot sa usa ka duyan ang duha sa mga triplets, nga puros mga babaye samtang ang lalake
gipatutoy sa ilang inahan human nangayo og gatas.
Ang tulo ka mga masusuo gihimugso ni Maricel Ygonia, way trabaho, niadtong Mayo 3 sa Brgy. Tingub, dakbayan sa Mandaue.
Si Ygonia niingon nga sagol kalipay ug kasakit ang iyang gibati karon kay padayon niyang giproÂblema ang ilang
bayranan nga P4,700 sa Vicente Sotto Memorial Medical Center (VSMMC).
Gawas niini, nanginahanglan sila og kuwartang ipamalit sa gatas alang sa tulo niya ka mga anak, lakip na usab
ang pagpa-check-up kanila tungod kay gipang-ubo ang duha ug ang usa gihilantan pa.
Di lang ang triplets ang anak ni Maricel kay aduna usab siyay duha pa ka mga anak nga nagtungha sa grade-3 ug grade-4.
Bisan pa man kon ang iyang bana anaa na karon sa Quatar isip pintor, apan hangtod karon wa pa kini nakapada
og kuwarta kanila alang sa ilang inadlaw-adlaw nga panggasto.
Hinungdan nga panawagan karon ni Maricel sa mga malumo og kasingkasing nga unta matabangan sila bisan
lang sa panggatas sa triplets ug sa ubang mga tambal niini.
Hinuon gitug-an sa tigpamaba sa kagamhanan sa dakbayan sa Mandaue Roger Paller nga ang resolution nga
gihimo sa konseho nga gitumong aron pagtabang sa triplets anaa na akron sa committee on health alang sa
insaktong mga hinabang nga ihatag sa mga bata.
Una niini ang kagamhanan sa dakbayan sa Mandaue pinangulohan ni Mayor Jonas Cortes nipasiatab nga ilang
tabangan ang inahan ug tulo ka mga bata, apan bugtong si Bise Mayor Glenn Bercede pa lang ang klaro nga nakatunol og tabang.
Gipatik sa mantalaang SuperBalita Cebu Hunyo 09, 2012.
Linkback:
https://tubagbohol.mikeligalig.com/index.php?topic=51121.0