Ni Romeo T. Limpangog/EIM (Banat) Updated June 08, 2012 12:00 AM
CEBU, Philippines - Patay na nga nahidangat sa tambalanan ang usa ka Amerkano kinsa napalgang walay panimuot sa sulod sa lawak sa usa ka hotel sa sitio Kagudoy sa barangay Basak sa dakbayan sa Lapulapu niadtong miaging adlaw.
Si SPO1 Manolito Abellanosa sa Homicide Section sa kapolisan sa maong dakbayan miila sa langyaw nga mao si Mark Miller, 46, nga temporaryo nga nagpuyo sa nahisgotang lugar.
Matud pa ni Abellanosa nga nahinabi sa Banat News nga ang kauban ni Miller maoy nakakita niini nga wala nay panimuot sa kama hinungdan nga nanawag sila sa Emergency Rescue Unit Foundation (ERUF) ug gidala kini sa Mactan Doctors Hospital apan gideklarar kini sa mga doktor nga dead on arrival.
Si Abellanosa miingon nga ang asawa sa namatay nga langyaw mitug-an ngadto kanila nga sayo sa miaging gabii mireklamo kini sa kasakit sa tiyan ug nagsuka apan nagmagahi pagpadala sa tambalanan.
Gikatakdang ipaawtopsiya pa ang patay’ng lawas niini aron matino ang hinungdan sa kamatayon. (BANAT NEWS)
Linkback:
https://tubagbohol.mikeligalig.com/index.php?topic=51119.0
Topic: Amerkano namatay sa hotel (Read 755 times)