Matod ni Supt Rodolfo Albotra, hepe sa PIB, nga nagdala og warrant of arrest ang mga pulis sa kasong frustrated murder nga giluwatan ni Judge Jerry Dicdican sa Regional Trial Court (RTC) sa dakbayan sa Danao human pusila niadtong milabayng tuig ang usa ka pulis sa anti drug operation.
Pagkakita ni Otida sa mga pulis kalit lang nga namusil gamit ang KG9 automatic submachine pistol nga miresulta sa pagka igo sa Gloc-9 pistol ni Adizas ug nilapos sa iyang bukton.
Sa pagbawos sa mga pulis, naigo ang suspek ug gidali nila pagdala sa San Francisco District Hospital, apan gideklarar sa mga doctor nga dead on arrival.
“Pag-serve nato sa warrant of arrest, pagsud pa lang, siya na ang niunag pika gyud. Mao nang naigo ang atong pulis. Good thing lang nga ang unang naigo ang Gloc9 sa police,†sigon ni Albotra.
Nakuha sa sud sa balay ni Otida ang usa ka KG9 submachine pistol nga dunay 16 ka mga bala sa magazine ug laing 13 ka mga bala sa laing magazine, duha ka kalibre .45, unom ka bulto sa gituohang shabu ug ka medium size ug 17 ka pakete nga gibana-bana nga moabot ngadto sa P826,118 base sa Dangerous Drugs Board (DDB) value kay motimbang og 70.1 gramos.
Gidakop usab nila ang live in partner ni Otida nga si Cheryl Ramirez sanglit nalakip sa illegal nga negosyo sa suspek.
Taod-taod nilang gipanid-an ang suspek.
Duna silay mga hulagway nga naggunit og armas si Otida.
Naglisod ang mga police sa San Francisco sa pagdakop kaniya tungod kay mosukol.
Duha ka mga pulis sa lungsod ang hapit mangaigo human pamusila sa managlahing mga higayon.
“Daghan kaayong nanganha sa atong opisina nga wala na silay salig sa police sa San Francisco kay wala ra lagi nila madakpi. Unsaon man nga mamusil man gud ni unya nakaigo na pud ni siya. Pero wala lang gihapon ni siya mohawa sa isla ba,†dugang ni Albotra.
Linkback:
https://tubagbohol.mikeligalig.com/index.php?topic=81631.0
Topic: Pusher nga idlas ug tigas wa makaikyas; sa mga pulis nakigpinusilay, patay (Read 850 times)