Ni Guam P. Logroño
Monday, April 1, 2013
INTELLIGENCE officer sa kapulisan naamong sa kanding human siya nasikop sa paglapas sa Comelec gun ban niadtong Dominggo sa alas 9:15 sa buntag sa Nature’s Park, Barangay Lamacan, Argao.
Subo pa sa Semana Santa ang panagway ni SPO2 Carlito Amarillo, 47, minyo, taga Barangay Binlod, lungsod sa Argao, chief intelligence officer sa Boljoon Police Station human siya nakuhaag kalibre .45 nga pistola nga puno sa bala.
Si Sr. Insp. Albert Quilitorio, hepe sa Argao Police nga nahinabi sa Sun.Star Superbalita, nagkanayon nga usa ka concerned nipahibawo kaÂniya nga dunay usa ka armed person nga nangumpra og kanding.
Siya gihulagway nga nagsul-ob og kolor patig nga shorts nga naka-t-shirt sa kolor blue.
Apan sa pag-abot sa mga pulis, iÂÂÂlang nailhan si Amarillo nga pulis usab.
Tungod niini, giimbetar siya sa police station ug dihang gipangitaan og lisensiya sa armas, kompleto kini lakip na sa memorandum receipt (MR).
Apan napakyas siya sa pagpakitag Commission on Elections gun ban exemption hinungdan nga gibalhog sa prisuhan ug kagahapon sa hapon napasaka ang tukmang kaso batok kaniya.
Matod ni Quilitorio nga sila igo lang nituman kon unsay nalatid sa balaod ug bisan pulis ilang pasakaag kaso.
Balido ang impormasyon nga armed person hinungdan nga nirespondi sila.
Ilang naabtan si Amarillo nga wa mag-uniporme ingon man way exemption sa Comelec hinungdan nga ilang gidakop.
Siya niingon nga maayong tawo si Amarillo ug kaila ang iyang mga sakop.
Ilang naabtan si Amarillo nga nagguroy pa sa iyang kanding nga napalit sa live stock sa merkado.
Linkback:
https://tubagbohol.mikeligalig.com/index.php?topic=71673.0