ANi Guam P. Logroño
Monday, March 25, 2013
MANAG-AGAW’NG pulis pulos patay human sila magkapinusilay dihang nagkalalis atol sa ilang panag-inom niadtong Sabado sa alas 6:00 sa gabii sa Sitio EYHA-Englis, Barangay Guadalupe, dakbayan sa Sugbo.
Si PO1 Anthony LaÂpuz Gonzales, 29, dunay kapuyo ug taga Sitio Kamangahan, Guadalupe sakop sa Siquijor Provincial Police Office (SPPO) gideklarar nga dead-on-arrival (DOA) human nakaangkog samad sa iyang walang dughan.
Namatay sab ang iyang 4th degree cousin nga si PO1 Rey Labay Gabutan, 30, minyo taga South Hills Guadalupe, sakop sa Guadalupe Police Station (CCPO) huÂman nakaangkog tulo ka samad pinusilan sa lawas.
Apan pamilya nagduda nga dunay foul ang kamatayon sa manag-agaw’ng pulis hinungdan modangop sila sa National Bureau of Investigation (NBI-7).
Nag-inom
Si SPO4 Rey Cuyos, imbestigador sa Homicide Section sa Cebu City Police Office (CCPO) nga nahinabi sa Sun.Star Superbalita nagkanayon nga si Gonzales nag-inom og beer uban sa ilang higalang sila si PO3 Arnel Palanas, nadestino sa Dental Service ug PO2 Lejay Gumandal, sakop sa Bohol Provincial Police Office (BPPO).
Nag-inom sila sulod sa sala panimalay sa ilang higala nga si Natalie Apostol, kinsa gikatahong karelasyon ni PO3 Palanas.
Si Palanas, hinuon mihimakak nga duna sila’y relaÂsyon ni Apostol sanglit iyaha lang kining higala.
Matod pa niini nga si PO1 Gabutan, naabot sa nahisgutang lugar alas 5:00 na sa hapon hinungdan nga hubog na ang iyang mga higala ug ang ig-agaw nga si PO1 Gonzales.
Samtang si Gabutan, nakainom lang og duha ka botelÂya nitambag ni ngadto kang Gonzales nga gikasuko niini hinungdan nga nagkainit ang ilang panaglalis.
“Gi-ingnan daw siya ni PO1 Gabutan, nga kun dili ka mag-usab anang imong batasan ma-dismiss na gyud ka ana nasuko ni Gonzales,†dugang ni SPO4 Cuyos.
Matod ni Cuyos, tungod kay insakto na sa giinom hubog na niadtong higayuna nasinta sa pagmaayo nagka-initay ang duruha hinungdan nga si Gabutan, mibarog, mitaÂlikod aron mopauli.
Apan gipusil siya ni PO1 Gonzales, ginamit ang kalibre .45, makadaghang higayon hinungdan nga na-igo sa dughan, lawas ug ulo, apan bisan kun samaran nakabawos sa pagpusil kang PO1 Gonzales, kinsa na-igo sa dughan.
Ang mga kaubang police niini nga nag-inom maoy nihatod sa manag-agaw sa pribadong tambalanan apan si PO1 Gonzales, DOA, si PO1 Gabutan, namatay pipila ka minutos.
Paraffin test
Si PO3 Palanas ug PO1 Gumandal, gipaubos gilayon nila sa paraffin test niadtong Sabado sa gabii, ang ilang service firearm gipaubos sab sa ballistic examination, ingon man ang armas sa manag-agaw’ng pulis nga namatay.
Ang armas ni Gonzales, usa ka kalibre .45, uban sa usa ka buhing bala, upat ka kabhang samtang ang .38 revolver gipang-iya ni PO1 Gabutan, dunay usa ka kabhang, ug lima ka buhing bala.
Lakip nga nakuha sa crime scene ang wala pa masutang slug sa bala sa armas.
Si Sr. Supt. Mariano Natuel Jr. ang hepe sa kapulisan sa dakbayan sa Sugbo nga nahiÂnabi sa Sun.Star Superbalita miingon nga personal grudges ang motibo sa krimen.
Kini tungod sa nakuhang impormsyon sa iyang mga imbestigador nga dunay panagÂbangi ang manag-agaw sa wala pa mahitabo ang krimen.
Hinuon, iyang gimandoan ang iyang mga sakop sa pagpalawom pa sa imbestigasyon sa kaso sa ingon mogawas gyud unsay tinuoray’ng nahitabo.
Giklaro niini nga walay foul play ang kamatayon sa manag-agawng pulis sukwahi sa pagtuo sa uban nga nagduda sa maong panghitabo.
Gipasabot niini nga ang ilang imbestigasyon gisuportaÂhan kinig mga scientific evidence, nga nakuha sa crime scene, sa ilang mga witness.
Garbo
Si Chief Supt. Marcelo Garbo J., director sa Police Regional Office (PRO-7) nga nahinabi sa Sun.Star Superbalita nagÂÂkanayon nga gimandoan na niya si Sr. Supt. Natuel, nga palawÂman ang imbestigasyon sa kaso.
Si Garbo, mipadayag nga nasubo siya sa maong panghitabo nga ang ilang mga sakop maoy nagpinatyanay inay ang ilang tahas ngadto sa mga kriminal.
Gihangop ni Garbo, ang lakang sa pamilya nga modangop sa NBI-7 nga ang patay’ng lawas sa mga pulis ipaubos alang sa 2nd autopsy.
Linkback:
https://tubagbohol.mikeligalig.com/index.php?topic=71516.0
