SuperBalita Cebu
Monday, September 29, 2014
DINHI sa Sugbo gipalit ang tiket nga maoy bugtong nidaug sa jackpot prize nga P294.6 milyones sa 6/55 grand lotto base sa gihimong bola sa Philippine Charity Sweepstakes Office niadtong Sabado sa gabii.
Si Glen Jesus Rada, officer-in-charge branch manager for Cebu sa PCSO, nikompirmar nga sa lotto outlet nga gipanag-iya ni Rosalie Famador-Tariman, duol sa usa ka laundry shop sa Sitio Lower Centro, Barangay Pit-os, dakbayan sa Sugbo, gipalit ang winning ticket.
Ang nag-inusara nga mananaug nakakuha sa combination nga 08-42-35-11-17-22 ug nidaug og P294,602,336.
Si Rada niingon nga ang central office lang ang nasayod kon gikuha na ba sa mananaug ang minilyon ka pesos nga premyo niini.
Ang ilang ulohang buhatan usab ang mahibawo kon lalaki ba o babaye ang bag-ong milyonaryo, ang pangidaron ug unsay trabaho niini.
Si Rada nitambag sa mananaug nga mas maayo mobalhin og laing lugar tungod kay seguradong mausab ang lifestyle niini ug alang usab sa iyang kaluwasan.
Siya nitambag usab nga gastuhon sa tinarong nga paagi ang kwarta pinaagi sa pag-invest sama sa pagpalit og yuta ug magtukod og balay o apartment aron adunay handumanan sa naangkong suwerte.
“Kining kwarta, puwerteng dakua ani. Bisan gani ako, maglisod og gasto ani. Basta dili lang ka magtinunto, dugay gyud ni mahurot kwartaha kay minilÂyon gyud ni,†dason ni Rada dihang nahinabi sa Sun.Star Superbalita kagahapon.
Siya nipahinumdom sa winner nga di hikalimtan ang pagpaambit sa grasiya ngadto sa simbahan ug sa mga kabus.
“Mohatag pud ta sa simbahan kay dili ka makadaug kon wala ang grasya sa Ginuo. Mohatag pud ta sa kabus, bisan og dili lang magpaila,†dugang niya.
Ang labing dako nga lotto prize niabot og P741.176 milyones sa Grand Lotto jackpot nga nadag-an niadtong Nobiyembre 2010 sa nagbinugtong nga mananaug nga adunay winning combination nga 11-16-42-47-31-37.
Linkback:
https://tubagbohol.mikeligalig.com/index.php?topic=79043.0
