Ni Bryner L. Diaz/EIM (Banat) | Updated September 29, 2014 - 12:00am
CEBU, Philippines - Patay ang usa ka lalaki nga vendor nga giingong usa ka “black belter†human kini gipusil sa wala mailhing tawo kagabii pasado alas 6:00 sa dalan Borromeo sa dakbayan sa Sugbo.
Ang biktima naila nga si Elizalde Jabitona Jr., molupyo sa dalan Balagtas sa dakbayan sa Sugbo. Sumala pa usa ka vendor, samtang naghipos siya sa iyang baligya nga ukay-ukay, kalit siyang nakadungog og buto.
Wala niya kini panumbalinga kay abi lang niya og pabuto, apan dihang duna na say buto nga iyang nadungog dali siyang midagan padulong sa gigikanan sa buto ug iyang nakit-an ang usa ka lalaki nga nag-helmet og puwa nga pyahok og nawong nga nagdagan padulong sa usa ka lalaki nga nagdrayeb sa motor nga nag-helmet ‘sab og itom ug dali nga mipasirit padulong sa Carbon Public Market.
Matud pa niini iya na lang nakit-an ang biktima nga misuka og dugo nga naghigda sa agianan sa mga tawo kilid sa karsada. Nasayran nga naghigda ang biktima dihang gipusil sa bukton ug misuway pag-atubang sa mamumuno apan giusban kini pagpusil sa dughan.
Patay na kini pag-abot sa Cebu City Medical Center pasado alas 7:00 sa maong tambalanan. Ang biktima gikataho nga usa ka karatista ug sumala pa sa anak kanhi referee sa boxing ang iyang papa. (BANAT NEWS)
Linkback:
https://tubagbohol.mikeligalig.com/index.php?topic=79037.0
