MikeLigalig.com

Ni Jonathan F. Tumulak

Monday, June 11, 2012

LOVE triangle ang usa sa mga anggulong gitutukan sa kapulisan sa pagpusil sa usa ka ulitawo nga seaman
nga nitupad paglingkod sa usa ka babayeng minyo samtang nagtan-aw sa telebisyon sa away nila
ni Manny Pacquaio ug Timothy Bradley niadtong Dominggo.

Kini nahitabo sulod sa balay sa usa niya ka higalang babayeng minyo sa sityo Sithay, Barangay Punta Princesa,
pasado alas 10 sa buntag niaddtong Dominggo.

Ang biktimang samdan sa tiyan ug bukton giilang mao si Granald de Dios, 31, taga Lagtang, Talisay,
usa ka restaurant supervisor sa abroad.

Sa pasiuna nga imbestigasyon gihimo ni SPO4 Alex Dacua, PO3 Leroy Baguio ug PO2 Domino Decorina
sa Homicide Section nagbutyag nga didto sulod sa balay ni Jecel (di tinuod niyang ngan), nga nagtan-aw sa fight ni Pacquiao.

Niadto usab nga tu­ngora didto sa iyang tupad si Jecel, kinsang bana atua usab sa abroad.

Kalit lang nisulod sa balay ang duha ka wa hiilhing mga tawo ug nipusil sa biktima, kinsa naigo sa tiyan ug abaga.

Ang mga suspek daling nibiya sa dapit ug ningsakay sa naghuwat nga motorsiklo sa gawas ug niekyas.

Samtang ang biktima gidala ni Jecel sa pribado nga tambalanan.

Nasayran gikan kang Baguio nga daghang mga anggulo ang ilang gitutukan, usa na niini ang pribado nga kinabuhi sa biktima ug ni Jecel.

Apan sa pasiuna nila nga pagsukit-sukit, si Jecel niingon nga wa silay relasyon ni de Dios gawas lang sa ilang pagkasuod nga higala.

Way napalgan nga empty shell sulod sa balay mao nga nagduda ang mga pulis nga revolver ang gi­gamit sa pagpusil.

Gipatik sa mantalaang SuperBalita Cebu Hunyo 12, 2012.

basin dikit kaayo ang pagtapad sa paglingkod ug niagbay ang usa nila. naglikay nalang unta pud tong ulitawo kay minyo naman diay tong bayhana.

Bitaw, looy kaayo ang bana nga  ang asawa nagpasungkab ug lain   

Quote from: Mike Ortega Ligalig on June 12, 2012, 12:09:03 PM
basin dikit kaayo ang pagtapad sa paglingkod ug niagbay ang usa nila. naglikay nalang unta pud tong ulitawo kay minyo naman diay tong bayhana.

Wa ba kaha magkawat-kawat og hawok kon magpungasi na ang mga kumo sa TV screen...

Quote from: statesville on June 13, 2012, 06:03:14 AM
Bitaw, looy kaayo ang bana nga  ang asawa nagpasungkab ug lain   

Nagkalingaw aron di maughan?