MikeLigalig.com

Ni Brenda D. Batuto/WC (Banat) Updated June 14, 2012 12:00 AM


CEBU, Philippines - Si Senate president Juan Ponce   Enrile miduaw sa buhatan ni Mayor Socrates Fernandez   sa dakbayan sa Talisay kagahapon sa buntag ug mipaila sa iyang anak nga si Jack Enrile kinsa molansar sa pagka-senador sa umaabot nga election sa tuig 2013.

Isip amahan si Enrile nagkanayon nga dili lamang tungod kay iyang anak busa mibilib siya kang Jack, kundili   matud pa niya nga kwalipikado kaayo kini sa pagka-magbabalaod sa senado.

Si Enrile nasinati kaayo sa pangatungdanan ni Jack isip Kongresista sa unang distrito sa Cagayan.

Matud pa ni Enrile nga ilang gipahimuslan ang bakasyon sa pagpanuaw nganhi sa lalawigan sa Sugbo uban kang Jack. Samtang si Mayor Fernandez ug  uban pang mga opisyal sa Talisay midawat nga mahinangpon kang Enrile, Jack ug mga kaubanan.

Bisan wala sila mopasabot kun mosagop ba sila sa   gipasabot ug gipaila ni Enrile nga iyang anak, apan kasagaran sa mga opisyal sa Talisay milantaw sa kabayanihon ni Enrile nga midumala sa impeachment case ni Corona.

Ang maayong pagpanguna ni Enrile sa maong kaso, labing nakapabantog kaniya nga lisud kaayong balibaran sa mga lokal nga opisyal sa kagamhanan nga iyang hangyoon. (BANAT NEWS)

Naaninaw ni Enrile nga sawomsom na...