MikeLigalig.com

Ni Jojo Ugdol ug Romeo T. Limpangog/EIM (Banat) | Updated April 29, 2014 - 12:00am
 

CEBU, Philippines - Patay ang usa ka ulitawo human kini miambak gikan sa third floor sa  gitukod nga building diha sa may dalan Borromeo , Barangay Kalubihan ning dakbayan sa Sugbo.

Ang lalaki nga giingon nga nagpakamatay giila nga si Jerald Ocson, 29, wala’y trabaho ug lumad nga taga San Dionisio, Ilo-ilo City. Sa imbestigasyon sa kapulisan nasayran nga alas 6:45 sa buntag, usa ka Renaldo Dela Cruz maintenance personnel sa maong establisemento ang mipahibalo sa guwardiya nga adunay miambak nga usa ka tawo gikan sa taas nga bahin sa maong building.

Dali unta nga miresponde ang Basak Pardo Emergency Response Team apan patay na kini sa ilang pag-abot. Giingon nga maayong pagkabuak sa ulo niini human kini miambak gikan sa rooftop sa third floor.

Wala makabantay ang gwardiya kun giunsa pagsud ug pagsaka ni Ocson nga di man kini trabahante sa maong building. Nakuha sa Homicide Section sa kapulisan ang giingon nga suicide note ni Ocson nga nangayo og pasaylo sa iyang ginikanan ug sa iyang hinigugma kay matud pa dili na niya mapangasawa. Usa ka itom nga bag nga adunay sulod nga lisensya sa iyang pagka gwardiya, usa ka paresan nga sapatos, tsinelas, cellphone, disposable lighter ug school ID niini ang nakuha sa crime scene. (BANAT NEWS)

Linkback: https://tubagbohol.mikeligalig.com/index.php?topic=78219.0