Author Topic: Gipa-blotter sa ginang ang 2 ka amiga nga nanabi nga wakwak kuno iyang inahan  (Read 685 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Ni JEEPY P. COMPIO


WALAY kabutangan sa kalagot sa usa ka 50-anyos nga ginang human gipasinglan nga "wakwak" ang iyang inahan ug banggiitang manghiloay ang iyang amahan.

Alas 10 sa buntag niadtong Martes nagpa-blotter sa Talomo Police Station ang usa ka Coring (bansagon gitago), 50, minyo, nagpuyo sa Lower Dampa, Barangay Magtuod, Talomo District, dakbayan sa Davao.

Gisaysay ni Coring sa police officer sa presinto tres nga duha sa iyang mga kaila nga sila Gemma, 45, ug Merna, 49, (mga bansagon gitago), taga Barangay 5-A Bankerohan, nagtabi sa ilang mga silingan sa Lower Dampa nga wakwak ang iyang inahan ug banggiitang manghiloay ang iyang amahan.

Una niini, giingong dihang nagabhian sila Gemma ug Merna nga gikan sa ilang higala sa Lower Dampa, nakakita sila og dako nga langgam gikan sa pantawan nila Coring.

Giingong nanagan sila Gemma ug Merna kay nanindog ang ilang balahibo dihang ilang nadunggan ang pagsiyagit sa dakong langgam kay nasangit sa kawayanan.

Dugang pagsaysay ni Coring nga nanabi pa sila Gemma ug Merna nga banggiitang manghiloay ang iyang amahan gumikan gipanakitan og tiyan ang ilang silingan nga nakigtagay og tuba.

Sa kasuko ni Coring sa bakak nga pasangil, nagpa-blotter nalang siya sa kapulisan aron sa barangay sila maghusay batok sa duha niya ka mga higala.


Gipatik sa mantalaang Superbalita Davao Oktubre 06, 2016.

Linkback: https://tubagbohol.mikeligalig.com/index.php?topic=82870.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: