PADAYON pang gi-imbestigahan sa kapulisan ang pagpusil-patay sa usa ka barangay captain sa Jose Aguirre Manukan, Zamboanga del Norte.
Matud sa Manukan Municipal Police Station, ang biktima giilang si Lamberto Demol sa Barangay Gupot sa nahisgutang lugar.
Sa inisyal nga imbestigasyon sa Manukan Municipal Police Station, kauban sa biktima ang asawa ug anak niini samtang sakay sa motorsiklo padulong sa Barangay Gupot dihang kalit mibutho ang duha ka suspek nga nakamotorsiklo usab ug gipusil ang biktima gamit ang kalibre 45 nga pistola.
Gidala pa sa hospital sa miresponding kapulisan ang biktima sa Manukan Community Medicare Hospital apan makalabay ang pipila ka minutos nakabsan kini sa iyang kinabuhi tungod sa samad-pinusilan sa iyang ulo.
Luwas usab ang mag-inahan nga biktima sa nasangpit nga insedente.
Gilusad na karon ang manhunt operation ug halapad nga imbestigasyon sa nasangpit nga hitabo. - Brigada News
Linkback:
https://tubagbohol.mikeligalig.com/index.php?topic=41213.0
Topic: Barangay Captain Giambush Patay (Read 536 times)