published by Brigada News
PINAAGI sa Hot Pursuit Operation nga gipahigayon sa Criminal Investigation and Detection Group , Regional Office Eelven(CIDG-11), malampusong nmadakpan ang suspetsado nga si Hazelyn Osiones human alegasyong gilimas niini ang kapin 2 milyon pesos nga personal nga salapi sa Vault ni Vice Mayor Rodrigo Duterte.
Nasayran nga ang suspetsado siyam ka tuig nga sinaligan isip Custodian sa Bise Mayor.
Nadakpan si Osiones didto sa Dipolog City, Zamboanga del Norte niadtong milabayng Huwebes pinaagi sab sa tabang sa mga kapulisan sa maong dapit.
Sumala pa nga gawas kang VM Duterte, duna pa kunoy laing nabiktima ang suspetsado og narekober sa CIDG ang kapin 26 thousand pesos nga salapi ingon man ang napulo nga mga ATM ug Credit Cards sa posisyon sa dinakpan.
Sa karon, temporaryong nagtingkagol sa Davao City Police Office ang dinakpan sanglit wala matud pay detention cell nga para sa babae ang buhatan sa CIDG.(Angel De Vera)
Linkback:
https://tubagbohol.mikeligalig.com/index.php?topic=41208.0
