MikeLigalig.com

Ikaw Ug Ako Ug Ang Atong Sugilanon
gitagik ni Michael Ligalig

I.
Ikaw ang dugokan sa matag sugilanon
Nga mahimugso sa lawak ning handurawan.

Wa untay gumunhap nga maumol,
Wa untay mga yugto ug anib nga mahikay,
Wa untay mga pangandoy ug pangindahay,
Nga mopaluyo sa kinabuhi sa mga karakter
Kung dili pa tungod sa imong pagpatim-aw
Sa likoliko kong dalan paingon sa kataposan.

Matag hinashasang pulong nga gigaray
Alang sa paggambalay sa gitinguhang lintunganay -
Ikaw ang nahimo kong gabayan sa hunahuna
Ang kahayag nga nagbanwag sa dulom nga unahan.

II.
Ug adunay sugilanon diha sa atong sugilanon
Nga nagpabiling tanghaga kanatong duha.
Nasayod kita sa mabulokong sinugdanan
Apan wa ta mahibalo sa gabonong kataposan.

Nahan-ay na unta ang dugokan
Apan diha sa mga yugto ug anib
Nga misugod pagdugtong sa duha ta ka dalan,
Ang gumunhap sa atong panaglagyo mipukan
Sa atong mga pangandoy ug pangindahay

Ug mao na lamay nahibilin sa unahan
Ang likolikong lintunganay sa sugilanon
Nga nagpaabot sumpayan ug taposon.

Aham,naa lang gihapon ang gahom nimo sa pagbalak Bro. ug nisamot ka anindot ang imong mga balak.

Quote from: orChids on January 31, 2008, 01:47:49 PM
Aham,naa lang gihapon ang gahom nimo sa pagbalak Bro. ug nisamot ka anindot ang imong mga balak.

Orchids, ang mga mapait nga yugto sa kinabuhi mobaid sa handurawan ning mga balak.

Dah! kuyawa jod ka mobalak Mike oy! Asa man ka manangkong aning imong lawm nga bisaya?
Lupig pa akung Lolo ani.

Gem, my father thought me to love Bisayan poetry. He was a poet, too.

Ay niliwat diay ka sa imong Papa.

Kinsa kahay moliwat nimo sunod?

Ang anak ni Admin or iya bang apo phon ang moliwat

Angie, new york girl dili magbisaja.

Ay...Hala noh...hinaut na lng Admin nga sa imong mga pag umangkon ba naay mosunod....Gift jud na ninyo..kay gikan pa gud sa imong Lolo..