MikeLigalig.com

SuperBalita Cebu
Thursday, May 16, 2013


IMAHEN ni Sr. Santo Niño nga gisulod sa urna sa simbahan sa Redemptorist Church sa siyudad sa Sugbo gika­watan sa iyang mga alahas niadtong Martes sa sayong gabii.

Gituohang dunay mga manimbahay nga nakakita sa pagkuha apan way nagpakabana sa pagtuo nga taga simbahan ang nihimo.

Nadiskobrehan ang pagpangawat sa guwardiya sa simbahan pasado alas 6 sa milabay nga
gabii human sa gipahigayon nga misa.

Ang nawala mao ang unom ka mga bracelet ug tulo ka mga gold necklace nga gibana-bana nga mokantidad og kapin kun kuwang P300,000.

Sa pasiuna nga imbestigasyon ni PO2 Reynaldo Labating sa Theft and Robbery Section sa Cebu City Police Office (CCPO) nagbutyag nga adunay misa sa simbahan sa wa pa madiskubrehe ang pagpangawat.

Matod pa ni Fresco Blanco, security guard nga nag-duty niadtong higayona, nga human sa misa mipahigayon siya og roving sulod sa simbahan.

Didto na niya nadiskitahan ang luyo nga bahin sa urna ni Senor Santo Nino nga abli na ang pultahan.

“Gilungkab ang lock. Gipugos og abli ang pultahan (sa urna),” matod ni Labating.

Sa dihang naabli na ang urna, gikuha ang tulo ka kwentas nga gisul-ob sa liog ug laing unom ka mga bracelets nga nakakaw-it sa mga kamot sa imahen.

Daling gipahibawo ni Blanco si Father Niko Perez ug gitawagan dayon ang kapolisan.

Dugang nasayran sa kapolisan nga daghan ang nanimba sa wa pa madiskubrehe ang pagpangawat.

Gidudahan nga ang k******n nagpakaaron-ingnon nga manimbahay sa wa pa gilungkab ang luyo nga bahin sa urna.

“Posibling dunay mga tawo nga nakakita sa pagkuha, nagtuo siguro nga taga simbahan ra mao tong wa lang sitaha,” matd ni Labating.

Si Cebu city Police Director Mariano Natuel mimando og makuting imbestigasyon sa hitabo ug ipaubos sa imbestigasyon ang mga security guard sa simbahan.

Ang pagpangawat sa simbahan sa Redemtorist maoy ikaduha nga nahitabo dinhi sa dakbayan sa Sugbo.

Sa milabayng buwan gikawatan og salapi ang kapilya ni San Pedro Calungsod sulod sa SRP ug nahanaw ang dakong kantidad sa salapi.

aguy.  ang donation box na man pod kahay kawkawon sunod?

Hmm, an indication of the waning influence of the Church?

graveh na gyud... wala nay pilion...

Quote from: hubag bohol on May 16, 2013, 07:45:25 PM
Hmm, an indication of the waning influence of the Church?

Mas indication ni of the morals and values degradation.

Quote from: Votives on May 17, 2013, 10:04:46 AM
graveh na gyud... wala nay pilion...

Tingali gakutoy na jud tawon ang tiyan? Mangayo na lang kaha unta siya, naa bayay tigpanghatag...

Quote from: taga tigbao on May 17, 2013, 11:03:46 AM
Mas indication ni of the morals and values degradation.

Hmm, wa tingali diay simba-simba ning mga tawhana, mosulod lang sa simbahan aron makadelihensya...

ngano kaha pod daghan og alahas ibutang kay parehas ni nahitabo sa lapulapu basin dili gusto sa imahe ang mga daghang alahas

Quote from: insurectus on May 20, 2013, 10:25:04 AM
ngano kaha pod daghan og alahas ibutang kay parehas ni nahitabo sa lapulapu basin dili gusto sa imahe ang mga daghang alahas

I agree. Expensive jewels belong in bank vaults. That is, if they can't be secured properly.

Quote from: hubag bohol on May 19, 2013, 08:05:58 AM
Hmm, wa tingali diay simba-simba ning mga tawhana, mosulod lang sa simbahan aron makadelihensya...

Wa jamo siguro na kahuna huna tungod sa kalisod sa kinabuhi. Daghan man karon ang "practical."

Quote from: hubag bohol on May 23, 2013, 10:30:53 AM
I agree. Expensive jewels belong in bank vaults. That is, if they can't be secured properly.

Hhhhhmmmm. Mura mag ipasundayag ang jewelry siguro dili kay itago. Hehehehe. Mag abtik lamang sa k******n kay impas!