MikeLigalig.com

Ni Guam P. Logroño
Wednesday, May 22, 2013


GIBALHOG na ang public enemy number 1 sa Sugbo nga si Joavan Fernandez, sa Cebu Provincial Detention and Rehabilitation Center (CPDRC) kagahapon sa buntag.

Gibugalbugalan siya sa mga inmate sa CPDRC ingon man sa Cebu City Jail.

Si Joavan niabot sa CPDRC mga alas 11:45 kagahapon sa buntag nga gihatod sa mga sakop sa Special Reaction Unit (SRU) ug Moalboal Police sa Cebu Provincial Police Office (CPPO).

Linkback: https://tubagbohol.mikeligalig.com/index.php?topic=72997.0

Wa kapugngi sa daghang mga pinireso sa city jail ang ilang kalagot sa dihang niabot sila Joavan.

Ang mga tigbalita wa tugti nga makasulod sa CPDRC hinungdan nga diha lang sa gawas nakakuhag footage sa pag-abot sa anak ni Mayor Socrates Fernandez samtang ang asawa niini nasuko sab sa mga sakop sa media nga samok.

Si Sr. Insp. Dennis Aliño, warden sa Naga City Jail ug acting warden sa CPDRC mipadayag nga wa nay kahigayunan nga maka-ekapo pa si Joavan sa maong bilango-an.

Linkback: https://tubagbohol.mikeligalig.com/index.php?topic=72997.0

Giklaro niya nga way special treatment, kun di sama lang siya nga usa ka ordinaryong pinereso nga makadawat sa patas nga prebilihiyo sama sa visitations, sa pagdawat sa bisita sa iyang pamilya ingon man sa abogado.

Ang isolation cell ni Joavan maka-accommodate o walo ngadto sa 10 ka mga pinireso apan ilang gilimitahan ngadto lang sa unom ang ibutang niini.

Si  Aliño niingon nga si Joavan, maka-apil gyud sa dancing inmates sa CPDRC, sama sa uban sanglit kabahin kini dance therapy o sa pag-rehabilitate sa usa  ka pinireso.

Linkback: https://tubagbohol.mikeligalig.com/index.php?topic=72997.0