MikeLigalig.com

Ni Jeepy P. Compio
Saturday, March 16, 2013


USA ka bana ang mitugpa sa balay tambalanan human gipusposan og dos-por-dos sa asawa kay wa mitrabaho alas 9:30 sa buntag niadtong Biyernes.

Si Sammy Letsones, 44, residente sa Roxas Boulevard siyudad sa Davao gidali pagdala sa mga personahe sa Central 911 sa Southern Philippine and Medical Center (SPMC) gumikan sa pagbuhagay sa dugo nga miagas gikan sa ulo.

Gibutyag sa bulletin sa SPMC nga padung na unta sa trabaho si Letsones.

Apan tungod kay nabana-bana niya nga ma-late na siya, nakahukom siyang di na lang motrabaho.

Samtang pauli sa ilang balay sa kanto Roxas, gidani siya sa iyang mga kaila nga mag-inom.

Wala makabalibad ang biktima, busa milingkod ug nakig-inom na lang sa mga kaila.

Apan usa ka barkada sa asawa sa biktima nakakita kaniya sa maong dapit busa gitug-an siya ngadto sa iyang asawa kinsa wala panganli.

Taud-taud, miabot ang asawa ug nagdala ug dos-por-dos nga kahoy.

Sa kalagot, walay daghang istorya ang asawa ug gipusposan ang bana tumong sa ulo.

Sa kakusog sa pagkabunal, mibuhagay ang daghang dugo sa ulo sa biktima. Daling nanawag ug central 911 ang mga kaila sa biktima ug gidala sa ospital.Hinuon, ang bana luwas na sa makuyaw nga kahimtang sulod sa balay tambalanan.

Quote from: hubag bohol on March 17, 2013, 09:41:28 AM
USA ka bana ang mitugpa sa balay tambalanan human gipusposan og dos-por-dos sa asawa kay wa mitrabaho alas 9:30 sa buntag niadtong Biyernes.

Way puangod asawaha...

Quote from: hubag bohol on March 17, 2013, 09:41:28 AM
Gibutyag sa bulletin sa SPMC nga padung na unta sa trabaho si Letsones.

Apan tungod kay nabana-bana niya nga ma-late na siya, nakahukom siyang di na lang motrabaho.

Samtang pauli sa ilang balay sa kanto Roxas, gidani siya sa iyang mga kaila nga mag-inom.

Wala makabalibad ang biktima, busa milingkod ug nakig-inom na lang sa mga kaila.

Oops, medyo angay pud diay patilawon og gamay, pero grabe ra pud ang pospos de dos-por-dos. Kusnit lang gud unta sa bugan...

sobra ra sad ka-esmol taym ang kusnit, gawas kun parehag paak ug alimango ang kamot sa asawa.  uno-por-uno ug di dos-por-dos ang gibunal, payts na unta.

estorya sa akong brod-in-law sa una...

kauban niyang engineer nga nagtrabaho sa atong national power-generating company (di na lang nako nganlan kay klaro nag unsa), gikapoy na tawon si misis sa kalaki sa iyang bana; dugay mouli kay mas baleg kuyog ang mga amigo ug inom.  sa kalagot ni misis, niapas bitaw, unya naghukas atubangan sa tanan.  kapuliki lagi ug tabon ug uli ug dali-dali ang bana.

pili.  dos-por-dos o public nudity sa asawa?

p.s. di ni nako kaya.  mas bale ang bana ang hukasan.

samot dli na hinoon maka-trabaho ang bana og pila ka buwan tungod sa iyang gibuhat. grabeha naman pud oi. murag kriminal na gyud pud ang bana ...

Quote from: islander on March 17, 2013, 11:03:24 AM
sobra ra sad ka-esmol taym ang kusnit, gawas kun parehag paak ug alimango ang kamot sa asawa.  uno-por-uno ug di dos-por-dos ang gibunal, payts na unta.

Pwede kusnit bugan cum kumot itlog...

Quote from: islander on March 17, 2013, 11:15:46 AM
estorya sa akong brod-in-law sa una...

kauban niyang engineer nga nagtrabaho sa atong national power-generating company (di na lang nako nganlan kay klaro nag unsa), gikapoy na tawon si misis sa kalaki sa iyang bana; dugay mouli kay mas baleg kuyog ang mga amigo ug inom.  sa kalagot ni misis, niapas bitaw, unya naghukas atubangan sa tanan.  kapuliki lagi ug tabon ug uli ug dali-dali ang bana.

Bwahaha! Agoi, basin nakaingon ang mga kainom nga, "Bantog rang way gana si pare nga mouli sa ila..."

Quote from: jorgeanna on March 17, 2013, 12:43:08 PM
samot dli na hinoon maka-trabaho ang bana og pila ka buwan tungod sa iyang gibuhat. grabeha naman pud oi. murag kriminal na gyud pud ang bana ...

Mao jud. Binaboy nga kasaba, bastante na...

akoy bana biyaan ni nako.

Quote from: Raquelproud boholana on March 17, 2013, 04:19:18 PM
akoy bana biyaan ni nako.

Angay jud. Over ra kaayo. Basin sa sunod niyang gamayng sipyat taoran dayon og gripo ang iyang kilid...

mangita na jud ko'g trabaho ani..