MikeLigalig.com

Ni Guam P. Logroño


DOSE anyos nga ba­­tang babaye gidagit sa usa 43 anyos nga lalake ug gidala sa kalibunan diin giingong gipahimuslan ni­­­­adtong Huwebes sa tu­ngang gabii sa Barangay Luyong Baybay, usa ka isla sa lungsod sa Banta­yan, Isla sa Bantayan.

Ang biktimang taga Barangay Doong tinun-an sa Grade six, nagmulo sa kasakit sa iyang kinatawo human giingong gihinol sa suspek nga way trabaho, usa ka adik, taga Barangay Luyong Baybay.

Si PO1 Lia Balug, chief sa Women’s and Children Protection Desk (WCPD) sa Bantayan Police nga nahinabi sa Sun.Star Su­­­perbalita, nagkanayon nga ang biktima uban sa iyang inahan ug iyaan dihang kalit nga nahanaw.

Matod niya ang inahan sa biktima namaligyag barbecue gawas sa diskuhan sa Sitio Tarong, Barangay Doong nga nagsaulog sa kapistahan.

Nakurat ang inahan ug iyaan dihang nabantayan nilang nahanaw sa ilang panan-aw ang bata samtang sila na-busy sa pagpamaligya og barbecue.

Ang bata nibutyag nga samtang naglingkod siya sa lingkuranan sa gawas samtang nagtan-aw sa disko, kalit nga niabot ang suspek.

Giingong gibaatan gilayon ang iyang baba sa senina niini dayon giaswat ug gidala sa kalibonan sa Barangay Lu­yong Baybay.

Ang inahan ingon man iyaan nagkabuang sa pagpangita niini ug nangutana sa mga tawo kon wa ba nila makit-i.

Apan way bisan usa ka tawo nga nakakita sa pag-aswat sa suspek sa biktima.

Nibutyag ang bata nga dihang gidala siya sa kalibunan, gimolestya og maayo ang iyang kinatawo, apan wa siya makasinggit tungod kay gibaatan ang iyang baba.

Bisan sa kasakit, nakahigayon siya sa pagpatid sa tiil sa suspek mao nga nakaeskapo siya ug nikaratil sa pagdagan.

Samtang nagdagan ang biktima subay sa karsada nga sagol ang paghilak ug kahadlok nga gibati ug nagkurog, nasugatan niya ang iyang inahan ug iyaan.

Ang bata nga nagkurog niasoy sa iyang inahan ug iyaan labot sa iyang kasinatian sa mga kamot sa suspek.

Pagka-buntag, mga alas 11 niadtong Biyernes, ilang gi-report sa police station ang insidente hinungdan nga nipahigayog hot pursuit ang mga pulis.

Ang suspek didto na nasikop sa pikas islet sa Barangay Solangan nga nisakay sa pumpboat kay mosibat paingon sa main­­land aron mokasay og bar­ko.

Ang bata ilang gipahi­ling kagahapong adlawa sa pink room sa Vicente Sotto Memorial Medical Center (VSMMC) samtang karong Lunes ilang ipasaka ang kasong rape in-relation to RA7610 kun child abuse law.

Gipatik sa mantalaang SuperBalita Cebu Oktubre 07, 2012.

putla'g pikoy..

Apil tudlo...

makakurog sa kangilngig ning estoryaha.  ulo ang angay putlon ani nga balasubas.  di gyod ko moingon nga hayop siya.  mainsulto ang hayop.

angay ani salvage...hehehehe aw.. . ibalik ang death penalty..

di man mankugig pangita ug musokol ning tawoha ni... pagka way pulos...angay ani niya maghikog nga maghigot sa pikoy...

Dihogan og dugos ang pikoy unya ipakitkit sa ilaga...

Quote from: Lollapalooza on October 07, 2012, 12:00:20 PM
angay ani salvage...hehehehe aw.. . ibalik ang death penalty..

taga wadab kaayo ni'ng komentaryoha...

Agat wabad Yagsub yu. Tungod sa cybercrime law ako ug si bugsay pwede pud magbinali nag sinultian. Id ak tubas alis. Kalooy sa nabiktima, forever na jud ni niyang hambinon ang trauma.

Quote from: bugsay on October 07, 2012, 07:51:48 PM
taga wadab kaayo ni'ng komentaryoha...

hehehehe dire pa na... DDS ra'y mohipos nila..