MikeLigalig.com

Ni Joy F. Tumulak
Saturday, May 12, 2012


GILUWAS sa kapulisan ang 17-anyos nga katabang sa American national nga giingong gilugos sa naulahi ug nimabdos.

Gisikop sa kapulisan sulod sa usa ka pension house ang masakiton nga si Wadi Greg Chichakly, 56, usa ka divorcee ug taga Estados Unidos.

Ang operasyon sa kapulisan sa presinto uno gilusad human sa usa ka reklamo bahin sa 17-anyos nga taga Zamboanga del Sur.

Ang Women’s Desk officer sa Presinto Uno, nahinabi sa Sun.Star Superbalita apan dili magpahingalan, nitug-an nga unang nitaho kanila bahin sa kahimtang sa da­laga ang usa ka langyaw nga freelance photographer nga si Harr Wad.

Sigun sa taho, nagkaila ang biktima ug ang suspek pinaagi sa Internet, hangtud nga sila nagkita ug gitanyagan kini og trabaho nga mobantay sa lawak nga giabangan sa maong langyaw lakip sa pag-atiman kaniya nga nagmasakiton.

Tungod sa dakong tanyag nga salapi, nisugot ang dalaga apan miabot ang higayon nga siya gihilabtan ug wa na tugti nga makagawas-gawas sa lawak nga ilang giabangan hangtud nga siya nimabdos.

Sumala sa taho, bisan og naggamit na kini og catheter (gamit tungod sa lisod na nga pagpangihi) ang maong langyaw, nakahimo pa kini sa pagpakighilawas kaniya.

Unang nagkita ang duha sa usa ka mall sa siyudad ug dihang nagkauyon, gidala sa langyaw ang dalagita sa iyang apartment sa dalan F. Cabahug ning siyudad niadtong Nobiyembre 29, 2010.

Sumala sa tinubdan nga human nila madawat ang maong reklamo, si Senior Inspector Jack Marandog mimando sa iyang mga sakop ug ilang giadto dayon ang pension house dapit sa uptown area nga gipuy-an sa maong langyaw ug wa kini mosukol human magpaila ang kapulisan.

Nasayran nga masakiton ang langyaw.

Samtang, ang 17-anyos nga duna nay upat ka buwan nga anak ang gikuha sa kapulisan ug gitugyan ngadto sa Department of Social Welfare and Development (DSWD).

Nakig-alayon na usab ang mga sakop sa DSWD ngadto sa mga ginikanan sa biktima didto sa Mindanao aron kini makuha ug ilang gi-atiman ang upat ka buwan nga masuso sa biktima.

Si Chichakly gitanggong karon sa Fuente Police Station o Presinto Uno samtang nagpaabot sa tukmang reklamo nga ipasaka batok kaniya.

Samtang, ang langyaw nga masakiton wala mohatag og komentaryo bahin sa alegasyon nga gilugos niya ang biktima ug gitanggong kini sa lawak, sumala sa usa ka laing langyaw ngadto sa kapulisan.

Hinuon, wala pa masayri kon ang biktimang dalagita mopasaka ba og kaso batok sa amahan sa iyang anak nga langyaw. (Jona Mae O. Lascuña ug Jelie Anne P. Llanes, CNU Comm. interns)

Menor de edad intawon...

hmmmm...di ba kaha pod ni sila uyab....

Basin with consent. Ang nakaparat kay 17 pa...

Quote from: hubag bohol on May 13, 2012, 08:53:45 AM
Basin with consent. Ang nakaparat kay 17 pa...

basin duna'y diplomatic immunity ni's gorio...

 

Quote from: bugsay on May 13, 2012, 08:56:59 AM
basin duna'y diplomatic immunity ni's gorio...

Morag wa kay gipasagdahan ra man...

basin pud diay, according ni bugsay, kining maniakis nga mo-claim ug diplomatic immunity parehas adtong maniakis nga Panamian diplomat.

Quote from: hubag bohol on May 13, 2012, 08:33:48 AM
Sumala sa taho, bisan og naggamit na kini og catheter (gamit tungod sa lisod na nga pagpangihi) ang maong langyaw, nakahimo pa kini sa pagpakighilawas kaniya.

Manyakis jud diay. Maong gitanggong ang dalagita kay daklit ra seguro motuy-od...

duna seguro'y personal grudge ni's mr wad ngadto ni gorio kay siya ma'y nisumbong.....wa seguro mahatage ug saktong pahat..

Langyaw baya pud kuno ang gasumbong...

Quote from: bugsay on May 13, 2012, 09:29:44 AM
duna seguro'y personal grudge ni's mr wad ngadto ni gorio kay siya ma'y nisumbong.....wa seguro mahatage ug saktong pahat..

Pahat? Pahat sa biktima?

Quote from: hubag bohol on May 13, 2012, 09:37:19 AM
Pahat? Pahat sa biktima?

business ba.......

He he, basin ang pagpamiktima maoy business...

Quote from: hubag bohol on May 13, 2012, 09:44:23 AM
He he, basin ang pagpamiktima maoy business...

basin pareha sila'ng freelance 'othographer......  

Quote from: bugsay on May 13, 2012, 09:48:29 AM
basin pareha sila'ng freelance 'othographer......  

...unya ang baldado gamay tuod ang camera pero mas abthik, permi maka-othograph...

lugos ba kaha o nausab lang iyang  hunahuna karon nga mabdos na...

Morag nauso na rong ang pagsumbong sa kasong lugos. Kanus-a kaha naay lalaki nga mosumbong nga siya maoy gipahimuslan...