Brigada News - BALHOG-bilanggoan ang usa ka lalaki human masikop sa pagpangawat og halad nga gibutang sa gitawag nga ‘sibot’ sa gipahigayong misa sulod sa Limketkai Mall sa dakbayan sa Cagayan de Oro.
Mismo ang mga sikyu sa maong mall ang mihatod ngadto sa Cogon police station 2 (PS2) sa suspetadong si Edgardo Romualdez, 38, minyo sa Barangay Gusa, ning dakbayan.
Nasuta sa imbestigasyon nga gisulod sa suspek sa iyang jacket ang maong sibot nga adunay sulod gibana-banang kapin 2 mil pesos nga halad.
Gihikay na sa mga otoridad ang tukmang kaso batok sa suspek. - Maxx Anaten
Linkback:
https://tubagbohol.mikeligalig.com/index.php?topic=50602.0
