MikeLigalig.com

Ni Romeo T. Limpangog (Banat) Updated April 12, 2011 12:00 AM


CEBU, Philippines - Niay leksyon alang niadtong mga kababayen-ang laagan, usa ka 21-anyos nga dalaga ang gilugos sa traysikad drayber nga iyang gisakyan tungod sa kahubog niini ala-3 pasado sa miaging kaadlawon sa sitio Calan sa barangay Poblacion, lungsod sa Cordova.

Si PO1 Ryan Casiban sa Cordova Police Station nga nahinabi sa Banat News miila sa suspetsado nga mao si Marjun Quirong, 23, taga sitio Puso sa barangay Poblacion sa maong lungsod human positibong giila sa 10- anyos nga batang lalaki nga bugtong nakasaksi sa maong insidente.

Matud pa ni Casiban nga sa imbestigasyon nga ilang gihimo ilang nasayran nga gikan sa usa ka imnanan ang biktima sa barangay Gabi ug nag-inusarang nag-inom hangtod nga nahubog.

Nagsusapinday na kini dihang miuli ug nasugatan sa suspetsado kinsa mipasakay kaniya aron ihatod sa ilang panimalay sa sitio Calan sa barangay Poblacion.

Apan giingong dihang nahidangat na sa panimalay sa biktima igo lang kini nga nakakanaug sa giluwanang traysikad ug nalup-og sa tugkaran ug natulog.

Matud pa ni Casiban nga tua sa gawas sa nasud ang mga ginikanan sa biktima ug bugtong ang 10-anyos nga saksi ray iyang kauban. Ang bata mitug-an nga nakamata siya pag-abot sa biktima ug iyaha kining gipukaw diha sa ilang tugkaran diin kini maghigda.

Apan giingong giabog siya sa suspek. Wala makabantay ang suspek nga mipahipi lang ang bata ug nasaksihan niini ang paglugos sa suspek ngadto sa biktima kinsa wala gyud makamata.

Human sa hitabo mibiya ang suspek ug ang bata nay mipahibalo sa dalaga sa gibuhat sa drayber sa traysikad kaniya hinungdan nga miadto sila sa kapolisan.

Si Casiban miingon nga namasahero pa sa iyang traysikad ang suspetsado dihang ilang gidakop. - (BANAT NEWS)

Quote from: hubag bohol on April 12, 2011, 03:11:46 PM
Matud pa ni Casiban nga sa imbestigasyon nga ilang gihimo ilang nasayran nga gikan sa usa ka imnanan ang biktima sa barangay Gabi ug nag-inusarang nag-inom hangtod nga nahubog.

Tsk, tsk, tsk. Kon unsa may suliran ni Inday kay naghuboghubog man, nadugangan hinuon...

Ang testimonya sa 10 anyos nga bata lig-on nga ebidensya sa hukmanan. Masuta usab kini pinaagi sa medical examination.

Adto nalang mamasahero ang traysikad drayber sa Muntinlupa kay segurado nga dali ra ni kasoha madesisyonan.

naunsa na man ni?  sa lain nga thread naay nanglugos nga nangahubog.  dinhi naay gilugos nga nahubog.  mating gyod ning inom.  makakat-on man sad tag ahat ug bisaya grammar, apil na prefix ug sentence construction, sama sa kanus-a gamiton ang nangahubog ug unsa ning nahubog.

   

Ang ahong namatikdan nga ang mga pangan sa mga lugar diha sa Barangay Poblacion sa lungsod sa Cordova puro may kalabutan sa pagkaon.

Sitio Puso ug Sitio Gabi dapit sa Sitio Calan. Habhab na ta, kalami sa utan!

Quote from: hubag bohol on April 12, 2011, 03:11:46 PM
Si Casiban miingon nga namasahero pa sa iyang traysikad ang suspetsado dihang ilang gidakop.

Kakalma ra gud sa kanahan, nagpadayon pag pamasahero... 

Quote from: Mike Ortega Ligalig on April 12, 2011, 03:24:44 PM
Adto nalang mamasahero ang traysikad drayber sa Muntinlupa kay segurado nga dali ra ni kasoha madesisyonan.

Mamasahero siya unya siya mismo ang traysikad nga sakyan-sakyan...

Quote from: islander on April 12, 2011, 03:25:22 PM
naunsa na man ni?  sa lain nga thread naay nanglugos nga nangahubog.  dinhi naay gilugos nga nahubog.  mating gyod ning inom.  makakat-on man sad tag ahat ug bisaya grammar, apil na prefix ug sentence construction, sama sa kanus-a gamiton ang nangahubog ug unsa ning nahubog.    

Sunod ani, duha ka hubog ang maglinugosay...

Quote from: taga tigbao on April 12, 2011, 06:37:15 PM
Ang ahong namatikdan nga ang mga pangan sa mga lugar diha sa Barangay Poblacion sa lungsod sa Cordova puro may kalabutan sa pagkaon.

Sitio Puso ug Sitio Gabi dapit sa Sitio Calan. Habhab na ta, kalami sa utan!

Di ba apil pud sa Cordova ang Nalusuan...