MikeLigalig.com

Natawo Pag-usab Ang Balak
sinulat ni M. Ligalig

Miingon ko kaniadto
nga dili na ko
magsulat ug mga balak
alang kanimo...
apan didto palang ako
ibabaw sa mga panganod
ug sa dihang nakita ko
mga bukid ug dagat
kansang hulagway hanap
gikan sa akong mga mata
milupad ang akong hunahuna
paingon kanimo -
ug sa pagtugpa
sa akong handurawan
sa yuta sa mga saad
natawo na diay pag-usab
kadtong usa ka balak
nasuwat sa gamayng papel
nga tingali hangtud
sa kataposan kong ginhawa
ang balak dili mo mabasa

Unsa-un ku pagtugkad
kana'ng kina-uyukan'g bahin
sa imu'ng tanlag.

Unsa-un ku pagsalum
kana'ng lawum
mu'ng pagsalumsum.

Tugkarun ku
Salumun ku
Linungtaran
sa imu'ng pagla-um
kay sa imu'ng saluma
nagakus aku
ug nahigugma.

babayeng tabunon
katunga mo matahum
katunga mo bunguton

ang imong kaanyag
daw sama sa langit
nga gibuti sa mga bituon
ukba ang binuungan
timos masulub-on

dili unta ko buot tukibon
kining mapangahason tang sugilanon
apan kay imo man akong gipugos
sa pagtuli ning pisot
kung pagbati

LOL....

WOW!  I like these 3 BALAK being posted.  Nindot nga pagkagaray.

Congrats to the new 2 TB Bisayan Poets, Mr. Valdaph and Glacier_71