Run With Me sa Haguilanan
Alang sa PWUDs after-care
TAGBILARAN CITY, Bohol, September 24, (PIA)—Atul sa ika siyam nga kasumaran sa barangay, gitanyag sa mga opisyales ug katawhan sa lungsod ang Run with Me, usa ka lumba sa dagan aron makatigum og pundo alang sa pag-atiman sa mga nahungog sa illegal nga drugas ug mitapos na sa programa pagpahiuli.
Ang Barangay Haguilanan sa lungsod sa Catigbi-an, mahimong una sa mga kabarangayan sa Bohol nga mihukom nga magtigum og pundo aron ikatabang sa pagpatunhay sa ilang programa alang sa Persons Who Use Drugs (PWUD) nga ipailawom sa community based drug rehabilitation program.
Sa ilang pag-unong sa ilang mga katagi-barangay nga nahitumpawak sa drugas, ang Run with Me maoy buhi nga pagpatinuod sa paghiusa sa mga opisyales ug katawhan sa Haguilanan sa ilang mga PWUDs, matud ni Ace Jess Ejoc, kagawad sa barangay.
Ang Run with Me, Haguilanan 9th Foundation Anniversary Fun Run, mahitabo karong Oktubre 6, 2019 ug bukas sa 10 ka kilometro anag sa babaye ug lalaki.
Aron makapundo, mangolekta ang barangay sa P250.00 sa mga mosalmot sa 10 kilometros nga lumba sa dagan, samtang alang sa 3 kilometros nga eksklusibo lamang sa mga taga Haguilanan, ang mosalmot morehistro sa P150.
Ang matag pagrehistro magtaban na sa race bib number, finishers medal ug snacks inig ka human og dagan.
Matud sa mga tigpasiugda, ang ma-una sa pagtapos sa 10 kilometros, modawat sa P2,000, ug ang ikaduha, modawat sa P1500 samtang P1,000 ang dawaton sa naa sa ika tulo.
Sa nahisgutan nga lumba, ang matag ika 4 ngadto sa ika 10 nga makahuman sa 10 kilometros, ma laki man o babaye, may handumanan nga bag.
May ganti usab ang labing paspas nga banay nga makahuman, ang labing edaran nga runner ug ang labing batan-on nga runner.
Ang registration, adto himoon sa Haguilanan Barangay Hall, sa lungsod sa Catigbian.
Alang sa dugang kasayuran, itext o tawag ni Jessie Ejoc sa numero 09502810454 ug ni coach Leonides Sollegue (Tikloy) sa 09665369430. (rahc/PIA-7/Bohol)
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=91127.0