MikeLigalig.com

Gikan sa tigpasiugda sa WTD 2019 Run
Walay plastic nga baso
Sa mga water stations

TAGBILARAN CITY, Bohol, September 26, (PIA)—Alang sa mga modagan salmot sa World Tourism Day 2019 Run, September 27, Biyernes, mipahinumdom ang mga tigpasiugda, pagbitbit og sudlanan sa tubig kay walay baso sa mga water stations.

Ang tigpasiugda sa lumba: ang Bohol Marathoners Club, uban sa Bohol Tourism Office ug sa lalawigan sa Bohol aktibo nga naningkamot nga kapanalipdan ang kalikopan ug nanguna sa mas responsible nga eco-tourism, saysay nila.

Ug aron sa pagkab-ot niining tumong sa pagpatunhay sa kalikopan, ato nga giawhag ang tanan nga mosalmot sa dagan sa pagbitbit sa ilang kaugalingon nga sudlanan  sa tubig. 

Walay plastic nga baso ang ibutang sa mga water stations, mahimo hinuon nga adto magkuha og dugang tubig sa mga water stations apan alang lamang sa may sudlanan, pahinumdom sa mga tigpasiugda. 

Kon ang mga marathon sa Sugbo kanunay gyud nga hari-an sa usa  ka runner nga magsul-ob og costume samtang magdagan, gipanid-an kining lumba sa World Tourism Day (WTD) 2019 Run kon may susama ba usab nga mokawat sa atensyon sa kadaghanan.

Kini kay, segun sa sa mga tigpasiugda sa labing una nga WTD 2019 Run, may pili-on sila nga labing sexy nga babaye nga runner ug labing sexy nga lalaking runner.

Gawas pa niana, may mga special awards pa alang sa labing daghan nga misalmot sa lumba gikan sa mga eskwelahan, labing daghan nga misalmot gikan sa usa  ka hotel ug resort, labing daghan nga misalmot gikan sa tourism industry sector, labingdaghan nga misalmot gikan sa us aka ahensya sa kagamhanan.

May ganti usab alang sa labing edaran nga misalmot, labing bata nga misalmot, ang unang magti-ayon nga maka-abut sa finish line.

Ug sa labing unang WTD event nga gihimo gawas sa Bohol Cultural Center, hiawhag ang mga tunghaan sa kolehiyo nga nagtanyag sa mga kurso sa tourism sa pagsalmot sa World Tourism Day Run, September 27, 2019 sa alas 5:00 sa buntag. 

Gawas sa podium honors alang sa makadaug sa 10 kilometer distance ug 5 kilometer distance nga babaye ug lalaki, ang WTD 2019 Run maghatag usab sa linahi nga ganti alang sa pipila ka kategorya. (rahc/PIA-7/Bohol)

HULAGWAY:

Book online travel tickets in Asia, Australia and New Zealand at:
https://12go.asia/?z=3467325



Linkback: https://tubagbohol.mikeligalig.com/index.php?topic=91126.0