Webkam(ni Glacier_71)
daw salamin kini nga gamay kaayo
gikabit sa atubangan jud nimo
tubo diay kining espesyal pagkahimo
kay aron makita ang naa sa luyo
kung sa salamin imong kaugalingon makita
sa webkam pagka-katingalahan baya
kay bisag unsa naman ang molugwa
na'y dagway, tingog ug uban pa diha
mao na kini ang urog karon
sa pakiglambigit sa bag-ong panahon
kung sa una imo gyung personalon
aron makita ug ikahinabi ang taong ilailahon
apan karon ikahimamat ang tao bisan asa
pwede sa kwarto, opisina o plaza
naa ra's atubangan sa imong mga mata
ang taong gusto nimong ikastorya
tungod niini, ang kalibutan ikabutang na sa palad
bisan asa nga palibot pwede ka ipadpad
unsaon ang tao mura'g naa nama's imong tupad
hagdon pa ka'g jerjer, di kaha ka mangluspad?
ang webkam baya nakapausab
sa pakighigala, negosyo ug panguyab
sama sa espadang duhay suwab
'sahay makapalipay, 'sahay makapahilak usab
(mao ba...hahahaha)
Linkback:
https://tubagbohol.mikeligalig.com/index.php?topic=18811.0