Sayberfrend
bihuhat nga nailhan
sa paagi nga di kinaraan
panaghimamatay nga lahi ang agianan
kung ang uban sa eskewlahan ug baylehan
ang sayberfrend, lahi sa tanan
kaniadto magpadala og papel sinuwatan
ang papel nga di-kolor ug pinahumotan
dugay usahay moabot kay layo ang abtan
apan sa niabot na ang internitan
nabag-o kining tanan, kay sayberfrend na man
nagsugod ang ilahanay sa usa lamang ka "hi"
unya nasundan dayon og kinumustahay
hangtud nagposot-posot ang binayloay
mag-teks, mag-tsat, ug mag-emilay
ug sa wala madugay, nag-webkam na diay
makahahadlok usahay kay ang uban way klaro
naay mangingilad, abusado, palekira ug palekiro
di kakompyansaan bisag gwapa o gwapo
kay di madugay, sa ilad ka makandidato
apan uban di mahadlok mo-risgo aron makakita og amiga o amigo
nindot ang sayberfrend, apan daghan nagool
labi na kadtong magpataka lang murag kwanggol
daghan pod ang nalipay, apil bakol
labi na kung abtan sa kalaay ug kagool
kay naa may sayberfrend nga mo-fonkol
pwede makigstorya og pila ka oras kay walay bayad
ang mahitabo daghang sekreto nga malad-lad
gusto pa gani makighimamat kay maayo managad
ug hain mang dapita kamong duha gikan gipad-pad
makig-eyebol kay basin diay mao na niy palad
aha! ang sayberfrend dili lahi sa akong mga amigo ug amiga
masakitan, magool, malipay ug mahigugma pod ni siya
dili siya robot kay sa kompyuter nako naila-ila
bisan ako siyang gikahibagat nga wa damha
gidawat nako siya nga akong bulawanong gasa!