MikeLigalig.com

lyrics by Karl Gaspar
KATUMANAN

KORO:
Ang katumanan sa damgong gitipigan
Akong gilauman, nga unta matagamtam
Pinalangga ko, nag-agad kini kanimo
Kung ang maong damgo, maoy kalamboan mo!

1.  Sa dugay'ng panahon, ako nagmasulub-on
Kamingaw gi-angkon, ang kahaw-ang nagkalawom
Akong gihanduraw, nga ang kamingaw mahanaw
Ug sa kasingkasing, kalipay unta mapukaw.

KORO

2. Sa imong pag-abot ning kinabuhi'ng gilumot
Tanan kong kayugot, ug akong pagka-alaot
Nahanaw, na-undang, tungod kanimo nasugdan
Ang laing pagtikang, padulong sa katumanan.

KORO

3. Way kasigurohan, nga hangtud sa kahangturan
Atong pakig-uban, pinangga ning akong dughan
Di ko igsapayan, mahanaw ni sa kadugayan
Kay dinhi ug karon, naa ka sa 'kong kiliran!

KORO

Linkback: https://tubagbohol.mikeligalig.com/index.php?topic=41846.0