Author Topic: BALITAW  (Read 9337 times)

Barbaro

  • EXPERT
  • ***
  • Posts: 2639
  • 7 DAYS without PORK makes 1 WEAK.
    • View Profile
BALITAW
« on: August 02, 2008, 01:25:51 PM »
LUIS:
Kining akong paghigugma
Sa bukog, Inday, mikagit
Kong hinog ka pa lang sab-a
Lamyon ko hangtod ang panit.

PINAY:
Dili ako, Luis, motu-o
Nianang imong mga sulti
Pila na kaha ka babaye
Ang imo nianang gitunto?

LUIS:
Kining akong pagtindog
Ako na nga ginatukib
Ingon sa balay gitukod
Giuna ko ang paglatid.

PINAY:
Ang imong mga tuyo
Daan ko nang hingsayran
Wala pa gani ikaw manghangyo
Ako na ikaw gibalibaran.

LUIS:
Human ko na baya latiri
Gikutkot ko na ang yuta
Gipatindog ko na ang haligi
Gisunod ko ang mga damba.

PINAY:
Ako na kanimong gisulti
Nga dili na ikaw magbudlay
Ibta kanang imong haligi
Kay dili gayod ako muangay.

LUIS:
Ako inday ang nagabalay
Usa ra ang akong haligi
Pagbutang sa abay-abay
Gidungan ko ang kaballete
Pagbutang sa kaballete
Dungan ang mga pagbo
Maoy lig-ong espiki
Ang tagkos ug mga tarugo.

PINAY:
Ako gani magsulti
Wala ing balikbalik
Kanang imong haligi
Kaanugon lamang kausik
Kaballete ug mga pagbo
Kon muabot na ang bagyo
Walay manghisalin
Lulugtion tanan sa hangin.

LUIS:
Kutob ko ikaw makita
Sa usa ka pagpamilok
Ingon ako sa gipahigda
Sa maidlot nga mga tunok.

PINAY:
Kutob ko usab ikaw makita
Dako kong paghitingala
Anaa pa gani ang gatas sa baba
Namulong kana bahin sa gugma.

LUIS:
Sa gamay ka pang bata
Daan ko na ikawng ginapalandong
Karon ikaw nga dako na
Dili ba ako Inday makasilong?

PINAY:
Sa gamay pa akong bata
Daan ko na nga gipamulong
Nga kong ako madako na
Sa sulti dili ako palimbong.

LUIS:
Kanang sudlay mong sisik
Sa buhok nagatugabong
Ingon sa gugmang naglabtik
Sa dughan nagapanghagbong.

PINAY:
Kining sudlay kong sisik
Timaan kini sa katarong
Nga sa sulting palabtik
Dili kini palimbong.

LUIS:
Unsay bulong sa mingaw
Sa paglakat walay makuha
Gitinguha ko sa adlaw-adlaw
Ang pagpaagay sa mga luha?

PINAY:
Adunay tambal sa mingaw
Mao ang humay ug saging
Ayaw katulog maadlaw
Pagdaro ug pagkaingin.

********

LUIS:
Lipaya ang akong kamingaw
Utang kong buot kanimo
Baslan ko ikaw sa ulahing adlaw
Kay ako magasilbi kanimo.

PINAY:
Dili ako mao ang makaglipay
Nianang imong mga kamingaw
Pamiling sa laing Inday
Nga sa tinguha mo makatagbaw.

LUIS:
Ay, gipanilungan ko man gani
Ang kahoy nga walay dahon
Ikaw pa ba kaha ang dili
Gitan-aw ko nga may makaon?

PINAY:
Ako Luis ingon sa lagtang
Nga imo karon gipanilungan
Dili makatambal sa gutom
Kay makalanag pagakaunon.

LUIS:
Maayo ikaw, Inday, kay lipay
Ako tugob sa mga kasakit
Ingon ako sa ginabitay
Sa tungatunga sa mga langit.

PINAY:
Ang kalipay atua sa langit
Wala na dinhi sa Kalibutan
Ang sa yuta pulos kasakit
Wala nay sarang kalipayan.

LUIS:
Inday, ang imong pagdili
Daan ko na nga nasabut
Kong duna pa akoy bahandi
Tingali ikaw mubuot.

PINAY:
Ako nganing gidili
Ang anak sa mga Hari
Ikaw pa ba ang dili
Gitan-aw ko walay bahandi?

LUIS:
Kanang imong kagahi
Gidutlan sa dakong kahumok
Gani ang lubas tabigi
Gilagbasan sa isdang tamilok.

PINAY:
Antusa ang imong palad
Ayaw kasakit sa pamalibad
Kay bisan unsaon sa pagpaagi
Palad ko gayud nagamasuki.

LUIS:
Ikaw ba ang kahoy nga miyapi
Nga miturok sa luyong tampi
Pagbantay kay hikankanan ka
Ning tubig nga nagaagi.

PINAY:
Kini, Iti, nga kahuya
Dili madali pagkatumba
Kay wala pa gani ang hangin
Nasuko na nanuwaysuway.

LUIS:
Bisan adto ka sa langit
Kaanyag nga walay sanglit
Kong ako ang magasangpit
Mukanaog ka gayod sa pilit.

PINAY:
Kung akoy adto sa langit
Lalake ka nga lumayan
Ayaw pagbudlay pagsangpit
Kay sa linti ko ikaw pakanaugan.

LUIS:
Pusta ako, Inday, limisa
Sa binukalan mong kandungga
Kong si Nanay mo mangutana
Ingna pinili nga bunga.

PINAY:
Kong ikaw, Luis, mangasawa
Si Tatay ug si Nanay maoy sultihi
Kay kinsa bay musaka sa kahoy
Nga sa punoan dili muagi?

LUIS:
Matuod ikaw mao ang bulak
Sa usa ka maambong nga kahoy
Dili ko muagi sa punoan
Kong dili hagdanan sa imong kalooy.

PINAY:
Kong buot ka, Luis, mangasawa
Atuay katunggan daruha
Dili ka gani makadaro
Si Inday dili maimo.

LUIS:
Kinsa bay imong hindunggan
Nga pagadarohon ang katonggan
Dili ba kita higaba-an
Kumbinto kana sa tambasakan?

PINAY:
Kong buot ka, Luis, mangasawa
balay namo ayuha
Ang salog niya nga bahi
Alisdi sa pulos sapi.

LUIS:
Hulata sa dili madugay
Kay mudangat ako sa inyong balay
Ang salog ninyong bahi
Alisdan ko ug pisos kahati.

PINAY:
Kong buot ka, Luis, mangasawa
Atuay balay namo ayuha
Ayaw pag-atupi sa nipa
Atupi sa pulos tisa.

LUIS:
Unsaon mo, Inday, ang tisa
Halayo kadtong Manila
Maayo na lamang ang nipa
Kay ania ra sa atong yuta.

PINAY:
Kong buot ka, Luis, mangasawa
Atuay balay namo ayuha
Ang atup niya anahaw
Alisdi sa pako ug langaw.

LUIS:
Magaunsa kita sa langaw
Madugay pagatigumon
Maayo na lamang ang anahaw
Kay ania ra sa atong libon.

PINAY:
Kong buot ka mangasawa
Atuay lasang daruha
Ang kabatu-an ug kabatangan
Imong pagahinlu-an.

LUIS:
Kanang tanan nga gisugo mo
Sa madali akong tumanon
Maoy mahimong daro ang baboy
Ang amo maoy magkupot sa liboy.

PINAY:
Kong buot ka, Luis, mangasawa
Atuay balay namo ayuha
Ayaw salugi sa anibong
Salugi sa pulos dagom.

LUIS:
Giunsa mo paghunahuna
Pagasalugan man nimo ug dagom
Kon duna na kitay mga bata
Dili ba mahatuyom?

***********

PINAY:
Ayaw, Iti, ikasakit
Kining pamalibad kong himpit
Dili pa kaha buot ang langit
Kitang duha magakadait.

LUIS:
Ang pamalibad mong himpit
Imo lamang kanang binu-utbuot
Sak-on ko ang mga langit
Kay adto ako makigsabot.

PINAY:
Ayaw, Luis, kahiubos
Sa pamalibad kong bug-os
Dili ta palad ug signos
Fortuna ta nagakabalios.

LUIS:
Unsaon ko sa pag-hiubos
Sa imo, Inday, nga pagpamalibad
Nga dugay ko na ikaw gigapos
Sa gugmang dili mabadbad.

PINAY:
Kasingkasing ko nga madasig
Tabangi ako sa pagpamalibad
Aniay lalaking buot mulupig
Kanako buot mubihag.

LUIS:
Bisan unsaon mo sa pagpamalibad
Niining gugma kong matuod
Dili na ikaw makabadbad
Kay maayo nga pagkalangbud.

PINAY:
Oh! Daw tubig kang matin-aw
Nga gibunyag ning kasingkasing
Niining dughang mamingaw
Nanaha ka ug nanalingsing.

LUIS:
Pagkamaayo sa imong gawi
Wala akoy takos ibalos
Ania ang kalag ko ug kinabuhi
Kanimo akong itapus.

PINAY:
Kong mga bayhon pa lamang
Dili ako kanimo mag apas
Ugaling kay kagawi-an
Iunong ko kanimo kalag ug lawas.

(Kinuha sa Sugbuanong Balak: Hangtod sa 1940, Cebu, 1988)


Linkback: https://tubagbohol.mikeligalig.com/index.php?topic=14264.0
" with great power comes great responsibility.." -- "Spiderman"

Explore Philippines

www.hostwinds.com - Start your own website at Hostwinds

unionbank online loan application low interest, credit card, easy and fast approval

raldampong

  • INTERN
  • **
  • Posts: 692
  • Kon dili karon, anus-a pa man.
    • View Profile
Re: BALITAW
« Reply #1 on: August 07, 2008, 11:20:53 AM »
"Lupad Panyo sa kapalaran tugpa didto kang Inday nga Guihalaran"

Kahinumdom ko sa gamay pa ko, nga kon naa ihaya nga patay kini maoy duwa sa mga balaknon. Kinsa gani to matugpahan sa panyo mao o mosumpay sa Balak.

Linkback: https://tubagbohol.mikeligalig.com/index.php?topic=14264.0
Mid pleasures and palaces thought we may roam. Be it ever so humble, there's no place like home. - John H. Payneh

Lazada.com.ph Search ProductsBooking.com Hotel Search | SitemapRSS Feeds

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Re: BALITAW
« Reply #2 on: August 07, 2008, 11:52:34 PM »
si islaw nga opaw mananapaw walay uwaw k******n pa jud ug kabaw nga hilig sa sabaw.

Linkback: https://tubagbohol.mikeligalig.com/index.php?topic=14264.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

unionbank online loan application low interest, credit card, easy and fast approval

raldampong

  • INTERN
  • **
  • Posts: 692
  • Kon dili karon, anus-a pa man.
    • View Profile
Re: BALITAW
« Reply #3 on: August 08, 2008, 06:44:26 AM »
sabaw sa imbaw nga sa gugma makapukaw ug labina kang Ondoy nga way uwaw.

Linkback: https://tubagbohol.mikeligalig.com/index.php?topic=14264.0
Mid pleasures and palaces thought we may roam. Be it ever so humble, there's no place like home. - John H. Payneh

Lazada.com.ph Search ProductsBooking.com Hotel Search | SitemapRSS Feeds

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Re: BALITAW
« Reply #4 on: August 08, 2008, 09:58:35 PM »
inday sa balitaw ang lawas murag kataw naglakaw nagsige ug tagawtaw kay ang sinina walay utaw.

Linkback: https://tubagbohol.mikeligalig.com/index.php?topic=14264.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

Jang

  • STUDENT
  • *
  • Posts: 266
  • Single but not looking
    • View Profile
Re: BALITAW
« Reply #5 on: August 08, 2008, 10:01:51 PM »
hehehehe kataw-anan man mo oy.

Linkback: https://tubagbohol.mikeligalig.com/index.php?topic=14264.0

raldampong

  • INTERN
  • **
  • Posts: 692
  • Kon dili karon, anus-a pa man.
    • View Profile
Re: BALITAW
« Reply #6 on: August 08, 2008, 10:14:42 PM »
hohohohoho......hahahhahaha......hehehehehe....katawa mo ,katawa ko nahimuot sila ug ako.

Linkback: https://tubagbohol.mikeligalig.com/index.php?topic=14264.0
Mid pleasures and palaces thought we may roam. Be it ever so humble, there's no place like home. - John H. Payneh

Lazada.com.ph Search ProductsBooking.com Hotel Search | SitemapRSS Feeds

unionbank online loan application low interest, credit card, easy and fast approval

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Re: BALITAW
« Reply #7 on: August 08, 2008, 10:29:49 PM »
may unggoy kong dako gisugo nako ug tabako bantug rang nagduko duko kay nakakita diay ug usa ka dako.
may unggoy kong gamay gisugo nako ug kamunggay bantog rang nadugay kay nakakita diay ug sumbagay.

Linkback: https://tubagbohol.mikeligalig.com/index.php?topic=14264.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

Bambi

  • GURU
  • ****
  • Posts: 7295
  • Life is hard but a perfect dream to live on....
    • View Profile
Re: BALITAW
« Reply #8 on: August 12, 2008, 03:57:11 AM »
"Lupad Panyo sa kapalaran tugpa didto kang Inday nga Guihalaran"

Kahinumdom ko sa gamay pa ko, nga kon naa ihaya nga patay kini maoy duwa sa mga balaknon. Kinsa gani to matugpahan sa panyo mao o mosumpay sa Balak.

Tinoud gjod Mr. raldampong.  I remember..."itsa de panyo"...pulos ra mga lalaki ang moapil ini nga dula ug magbilar kon dunay namatyan.  Diha intawon among silingan nga wa gjoy alamag ug balak "The Kite" nalang....morag kataw-onon na hinoun ang uban.

Thanks Barbaro....I like to hear this "BALITAW" from Cebu radio before...funny and nice.

Linkback: https://tubagbohol.mikeligalig.com/index.php?topic=14264.0
Best regards
Bambi

best top web hosting company

raldampong

  • INTERN
  • **
  • Posts: 692
  • Kon dili karon, anus-a pa man.
    • View Profile
Re: BALITAW
« Reply #9 on: August 12, 2008, 12:11:37 PM »
Bitaw, karon mga panahona nawala na tong mga tradition. Anhi nalang ta sa internet mag Balitaw.

"Ondo, naay saging sa gawas, tub-a ug dad-a ang puso ug ampingi kini sama sa pag-amping sa akong gugma"

Linkback: https://tubagbohol.mikeligalig.com/index.php?topic=14264.0
Mid pleasures and palaces thought we may roam. Be it ever so humble, there's no place like home. - John H. Payneh

Lazada.com.ph Search ProductsBooking.com Hotel Search | SitemapRSS Feeds

unionbank online loan application low interest, credit card, easy and fast approval

Barbaro

  • EXPERT
  • ***
  • Posts: 2639
  • 7 DAYS without PORK makes 1 WEAK.
    • View Profile
Re: BALITAW
« Reply #10 on: August 12, 2008, 12:19:35 PM »
bugnaw nga panahon,
tuhod nagkurog
itlog halos dili motay-og..


Linkback: https://tubagbohol.mikeligalig.com/index.php?topic=14264.0
" with great power comes great responsibility.." -- "Spiderman"

Explore Philippines

www.hostwinds.com - Start your own website at Hostwinds

raldampong

  • INTERN
  • **
  • Posts: 692
  • Kon dili karon, anus-a pa man.
    • View Profile
Re: BALITAW
« Reply #11 on: August 12, 2008, 12:40:40 PM »
Ah, tiguwang ga sungkod ba, molaybog-laybog man gani makakita kang Inday nga naligo sa atabay. Bisan guibantayan ni Nanay.

Linkback: https://tubagbohol.mikeligalig.com/index.php?topic=14264.0
Mid pleasures and palaces thought we may roam. Be it ever so humble, there's no place like home. - John H. Payneh

Lazada.com.ph Search ProductsBooking.com Hotel Search | SitemapRSS Feeds

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Re: BALITAW
« Reply #12 on: August 12, 2008, 11:34:20 PM »
diay nindot nga mga balak ni mike diri ay. http://balak.mikeligalig.com/

Tigmo lang sa akoa.
Maitom nga bulbulon, Mapula kon busikaron.




Linkback: https://tubagbohol.mikeligalig.com/index.php?topic=14264.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

raldampong

  • INTERN
  • **
  • Posts: 692
  • Kon dili karon, anus-a pa man.
    • View Profile
Re: BALITAW
« Reply #13 on: August 13, 2008, 02:21:06 PM »
Suwites....

Tigmo-tigmo agukoy ugma ra ta mag-asoy.





Linkback: https://tubagbohol.mikeligalig.com/index.php?topic=14264.0
Mid pleasures and palaces thought we may roam. Be it ever so humble, there's no place like home. - John H. Payneh

Lazada.com.ph Search ProductsBooking.com Hotel Search | SitemapRSS Feeds

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Re: BALITAW
« Reply #14 on: August 14, 2008, 01:01:19 AM »
Suwites....

Tigmo-tigmo agukoy ugma ra ta mag-asoy.


damgo


Linkback: https://tubagbohol.mikeligalig.com/index.php?topic=14264.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

unionbank online loan application low interest, credit card, easy and fast approval

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: BALITAW
« Reply #15 on: September 06, 2008, 10:28:41 AM »
Akoy nagtamon ug saging
Daplin sa sapa sapa
Dali rang milambo ug mitubo
Kay kakatilaw sa basa basa.

Ang kang Inday mga saging
Wala mamonga kay gihangin
Kon waka pa unta hangina
Matahum ang iyang bunga.

Linkback: https://tubagbohol.mikeligalig.com/index.php?topic=14264.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

hofelina

  • DONOR
  • GURU
  • *****
  • Posts: 10008
  • Always look at the bright side of life!
    • View Profile
Re: BALITAW
« Reply #16 on: September 14, 2008, 02:36:04 AM »
Ondo,

Salamat sa imong nindot mga balitaw, makalipay ug makalingaw!

hofelina

Linkback: https://tubagbohol.mikeligalig.com/index.php?topic=14264.0
Easy way to start your own website at www.bluehost.com. Click the link now.

unionbank online loan application low interest, credit card, easy and fast approval

Barbaro

  • EXPERT
  • ***
  • Posts: 2639
  • 7 DAYS without PORK makes 1 WEAK.
    • View Profile
Re: BALITAW
« Reply #17 on: September 14, 2008, 03:53:42 AM »
Gugmang Gibati Ko, Pagahandumon Ko Ikaw
Pagkaanindot Mo Sud-ongon,  Ulipon Ako Sa Kaanyag Mo
Nakaukit Ka Ning Dughan Ko, Gugmang Nag-uros-uros. yeah..

Linkback: https://tubagbohol.mikeligalig.com/index.php?topic=14264.0
" with great power comes great responsibility.." -- "Spiderman"

Explore Philippines

www.hostwinds.com - Start your own website at Hostwinds

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: BALITAW
« Reply #18 on: September 17, 2008, 07:32:48 AM »
Kon mahimom pa lang nga luparon ko ang kalangitan
Aron pupuon ko ang mga kabituonan ug tuhugon
Aron ikwentas ko sa imong dughan, apan dili mahimo
kay ako tawo lamang. Apan ang tinuod kong bahandi
Nga sama sa bulawan, mao kining tinuod ug dalisay
ko nga gugma nga nag-uros-uros ning akong dughan.

Linkback: https://tubagbohol.mikeligalig.com/index.php?topic=14264.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

buwadsanga

  • EXPERT
  • ***
  • Posts: 2502
  • Rock Til You Drop
    • View Profile
Re: BALITAW
« Reply #19 on: September 17, 2008, 09:24:58 AM »
fdaray,
mura diay ug gi prito ang maong gugma. hehehe!
mabuhi ang mga kaliwat ni Pres. Carlos Garcia!

Linkback: https://tubagbohol.mikeligalig.com/index.php?topic=14264.0
All things must pass - George Harrison
To be rock and not to roll - Led Zepelin
Rock n roll will never die - Neil Young

Lazada.com.ph Search ProductsBooking.com Hotel Search | SitemapRSS Feeds

unionbank online loan application low interest, credit card, easy and fast approval

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Re: BALITAW
« Reply #20 on: September 17, 2008, 10:32:04 PM »
kahayag sa bulan
katin-aw sa sapa
dunay tawo nagduka
kay naghuwat sa bangka
nga nagdala ug isda

Linkback: https://tubagbohol.mikeligalig.com/index.php?topic=14264.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

buwadsanga

  • EXPERT
  • ***
  • Posts: 2502
  • Rock Til You Drop
    • View Profile
Re: BALITAW
« Reply #21 on: September 18, 2008, 08:27:20 AM »
ako si bangkilan
ang tawong gikahadlokan
ari mo dari kay ako kang panitan!

excerpt ni mga pare koy sa "Sinog sa Jagna" hehehe!

Linkback: https://tubagbohol.mikeligalig.com/index.php?topic=14264.0
All things must pass - George Harrison
To be rock and not to roll - Led Zepelin
Rock n roll will never die - Neil Young

Lazada.com.ph Search ProductsBooking.com Hotel Search | SitemapRSS Feeds

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: BALITAW
« Reply #22 on: September 21, 2008, 12:58:23 PM »
Akoy gikan sa amo
Wala ako manihapon
Sa pagkakita ko kanimo Inday,
Nabusog ako bisag way panihapon.

Linkback: https://tubagbohol.mikeligalig.com/index.php?topic=14264.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

simplylee

  • EXPERT
  • ***
  • Posts: 1214
    • View Profile
Re: BALITAW
« Reply #23 on: September 21, 2008, 01:39:45 PM »
ana baya Ondo sa imong palabtik
bisan ug unsaon dili gayod katuhuan
hapit usa ka kaldero ang imong nahurot
sa imong pagpanihapon.

Linkback: https://tubagbohol.mikeligalig.com/index.php?topic=14264.0
I am not the center of my life but knowing the plan of GOD for me is....
binisaya nga bible study is available sa www.gcc.com.ph

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: BALITAW
« Reply #24 on: September 23, 2008, 04:54:29 PM »
Wala kita  maaddict sa bisan unsa.
Pero adlaw-adlaw mabuslot ang bursa.
Tubag Bohol naaddict ka , a unique addiction.
In this world of high teck and new generation.



Linkback: https://tubagbohol.mikeligalig.com/index.php?topic=14264.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: BALITAW
« Reply #25 on: October 19, 2008, 12:07:23 PM »
SA lungsod sa Buenavista
May tulo ka mga daga.
Maminyo ang kamanghuran
Masuko ang kamagulangan.
Ming-ingon ang tunga tunga
Ay Manang ayaw nag saba.
Kay dili na abtan ug tuig
Maminyo na kitang tanan.

Sa lungsod sa Banter-banter
May tulo ka mga sister.
Maminyo ang youger younger
Nasuko ang older older.
Ming-ingon ang middle middle
Ay Manang ayaw'g bagulbol.
Kay dili na abta'g one year
Maminyo kitang together.

Linkback: https://tubagbohol.mikeligalig.com/index.php?topic=14264.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

unionbank online loan application low interest, credit card, easy and fast approval

Tags: