Naa toy laing tawag sa tarsier, ay nakalimot na jud ko.

ajaw ug kalimti bay hubag. ug makahinumdum na ka, palihug ko ug tampo ha, isumpay ra lamang kay aron daghan tag matigum nga mga pangan.

Bilib jud ko nimo, T.T. Pila ray ahong nahibaw-an aning imong lista. Hinaut nga tubagon ko nimo aning ahong jutayng sumpay/pangutana:

agokoy – fiddler crab n. , beckoning crab n. , fighting crab n.
MAO RA BA NI SA GHOST CRAB?

aloman – (matang sa isdâ nga tagsa ra magpanon dili kaayo interesado ang mga mananagat) one-spotted snapper n.
MAO BA NI SA TAGALOG, ALUMAHAN?

aninikad –bear conch n.
KINI AKONG PABORITO.

bakasi – (matang sa isdang ubod, apan mugbô ug ngil-ad ug hitsura) moray n.
KINI LAMI KON INUN-ON, PUSTON OG DAHON SA SAGING.

balanghutin – (matang sa isdâ nga daw sa pasayan ang mata ug ang kanipison sa lawas) shrimp goby n.
KUJAWA PUD NING NGALAN.

balantiyong – (matang sa isdâ nga may-ong sa dughanan ug kasagaran himoong bulad) slender rainbow sardine n.
DI BA NGALAN NIG UTANON?

bantol – scorpionfish n.
MAO BA NI ANG ISDANG MAOT OG NAWNG?

kuya – (matang sa kinhason) oyster shell n.
HA HA HA. "ATE, UNSAY IMONG GIKAON?" "KUYA, DOY."

galunggong - round scad n.
DI BA TAGALOG NI SA BUDBORON?

poki – (klase sa kinhason) egg shell n.
DI BA TAGALOG NI?

sape-sape – (matang sa isdâ nga susama sa potpot) pugnose ponyfish n.
NAILHAN NAHO ANI KAY KLASE SA TABANOG HE HE.

sapsap – (gagmay nga isdâ sama sa potpot ug orange ang tumoy sa kapay) slipmouth n. . orange ponyfish n.
ABI NAHO SAPSAP TAGALOG SA POTPOT.

sísí – mangrove oyster n.
KINI ANG ANGAY KAHADLOKAN SA MALIBANG SA BAYBAYON.

tabugok – reef octupos n. Genus: Octupos
KINI ANG HERO SA USA KA KANTA NI YOYOY.

ulibalay – (klase sa isdâ) queensland trumpeter n.
LAIN MAN AHONG NAHIBAW-AN ANI. KANA BITAWNG DILI MAAJO ANG PAGKATULI UNJA MOBALIK ANG PANIT, MOBALIK SA PAGKAPISOT.

na, tan-awa ra, kadali lamang mo hubag no. hehehehe

marang - matang sa prutas nga kapamilya sa nangka ug kolo

mansanitas - mokahoy ni siya, gagmayg liso, mosinaw o mopula kon mahinog na; ang iyang ngalan nagpasabot nga gamayng mansanas, apan dili kini kapamilya sa mansanas

pahô - gagmayng mangga, mas lami kon dili hinog, dili aslumon nga klase sa mangga. Sa mga Ilonggo, ang pulong nga “paho” is generic for mangga

sangkis - gikan sa pulong nga “Sunkist” o “sun-kissed”, usa ka matang sa tam-is nga kahel; nahinumdum mo sa sweet Valencia orange kaniadto? Didto nagsugod ang paggamit niini nga pulong

soursop - guanabana, labana, guabano, balibanog, yabana – usa ra ni sila

sineguelas - daghan ni sa Siquijor, Balilihan, etc.

tisâ - tiesa, eggfruit

alamang - Tagalog for “uyap”

awa - dagkung bangus, para sanay

balantiyong - dili kay isda lang, mao usab kini ang tawag sa uban sa “tambaliyong”, utanon gitawag og “upo” sa mga Tagalog.

balo - "bawo”, taas nga isda, berde ang bukog

bantay-botbot - Mao kini si Nemo!

borot - “burot–burot”; “galunggong” in Tagalog

kabalyas - karabalyas

kuya - “kudja”; specialty ni sa mga kan-anan sa Kainggit Beach sa Tagbilaran

kuyug - “kudjug”; “tagum-tagum”; “padas” sa mga Ilonggo; pamilya sa mga siganid (apil niini ang danggit, kitung)

diwit - flat on its sides; sinaw ang panit; soft, hairlike fins

ibis - tam-is ni kilawon; hasul lang paglimpyo kay gagmay

manan-aw - dili lang isda, matang pud ni sa tanom (fern) nga ginganlan sa Ininglis og “bird’s nest”

mólmol - lain-lain og bulok: green, blue, brown, orange etc.; linginon ang himbis

mungit - kapamilya sa angelfish; itom; mas inila nga himoong tinabal

puki - dagku nga matang sa sigay o buskay; belongs to the cowrie family

potpot - mas inila nga himoong bulad; flat, puti-on

pugapo - lapulapu

pugot - naglabaw ang simud; sometimes used as a derogatory description of a person nga busngi-on.
 
rompi - barracuda; rompe de candado

saguksok - baratohon nga isda; pero mahal kon processed into fish tocino; bukog saguksok nang gibaligya sa Tabo-an, Cebu uban sa mga bulad. Lami ni nga appetizer. Quick fry lang (less than 10 seconds), pwede nang isumsum sa beer
   
sapi-sapi - dili kay isda lang; gamay nga tabanog usab kini

tad - "ta'ad"; mora’g bitin ang himbis, combination of light brown and yellow-green; puti ang unod

talaba - Tagalog for “sisi”

tugnus - “turnos”, gagmay nga anchovy
 
ulan-ulan - dili kay isda ug panahon lang; kwarta usab kini nga gipamalit og boto tiyempo sa eleksyon

dunso- mao ni source sa lukot.Ang tae sa dunso mao nay mahimong lukot. animal ni sa dagat soft kaayo imong matumban mogawas ang marroon nga dugo basta daghan ni sa hunasan.

Dawdawo- klase sa kinhason naa makita sa ilawom sa katunggan.Itom ni siya ug color unya lapwaan pagluto or lubihan pero dapat tibtiban ang tumoy ani aron dali ra supsopon ang unod.

Tambajang or tambayang- family ni sa imbaw pero makuha ni nimo sa kalusayan magsegi lang ka ug panukjok gamit ang bungay or sundang.Ang sabaw ani pampagatas kono sa bag ong nanganak puti ni ug color.

balisaha-gagmay kaayo ni murag imbaw sad mataon ra ni nimo ug panguha.ug di ka kabalo mangmata wa kay makuha hehhehe

Tuway-mao raman siguro ni sila family pud sa imbaw pero naa ni sa kalapukan sa ilawom sa katunggan makuha.

Dali dali- gamay man siguro ni nga sting ray.basta flat ni unya perting danguga hehehhe

tambod- klase sa isda naa sa hunasan mao ni permi mosuhot ug timing.

pata-murag pamilya man siguro ni ni dori sa finding nemo hehhehe naa pud ni permi sa hunasan ra magpuyo.lapad nga isda

sigay-mao ni gamiton sa shellcraft kanang mga tinuhog bitaw.itom ni siya then maorange na ug sangagon.

nasa-kanang gagmay nga kinhason nga i boarder sa tinuhog or kanang tuhugon nga maoy magbitay.Puti iya color with puntik puntik

Pag-oy -tern ni siya sa kinhason nga bata pa kaayo.Iyang shells di pa fully develop,nipis pa kaayo ang mouth ug makakita mo ug pag oy nga kinhason i discourage jud nga dili puniton kay patubuon pa ni.

Pais or pinaisan- ug magginamos tag dagko nga lambijaw(anhovies) unja di pa kaayo mawos pwede ni lutoon puston ug dahon sa saging then ibutang sa baga.Mao nay gitawag ug pinaisan.

Salamat sa correction Koddi. Mao man gud nay ingon sa mga karaan sa amua.Intawon ning makakaon ug lukot nga wa masweto unja ingnon tae raba na sa dunso masud ipan intawon kay abi ug tinuod.So itlog diay na.

Bwahahahaha... you mean Koddi,  "Bahoblat"?  Sorry, duna raba tay TB member ining ngalana.
I remembered, once in my home vacation perting daghanang batang babaye  sa kasilinganan nga ga-alirong.  Mama, said: pang-gawas mo mga tuwayon! Louya tawon nanguli tawon pod.

Gituway or tuwayon gikan jud bitaw na sa kinhason nga tuway.Kanang Baje segi pangalisbo ang baho mao na ingnon ug tuwayon.