Gitawgan sab sa Superbalita si Barangay Mandug kapitan Rey Ototan aron sayron ang maong hitabo.
Gihulagway ni Ototan ang anak ni Meme subay sa iyang nakita.
"Sa akong nakita didto sa ilaha, nagdikit ang tiil sa bata, then naay porma'g himbis dapit sa dalunggan," tin-aw sa kapitan.
Gidugang sab niya nga lahi ra ang panagway sa dalunggan sa bata ug lunoy na kini nga gihimugso.
"Lahi ra gyud kaayo tan-awon, labi na iyang dalunggan, nagdikit ang tiil, lumoy ug patay na paggawas," dugang sa kapitan.
Nasayran nga pito pa lang ka bulan ang pagbuntis sa bata sa iyang inahan.
Suma sa inahan ngadto kang Ototan nga magsige og lihok ang bata sa iyang tiyan ug nakamatikod kini'g pagpanakit sa tiyan maong nanawag sila'g mananabang.
"Nagsakit man ang tiyan sa inahan, mao tong nanawag sila'g mananabang," matud sa kapitan.
Ang gianak ni Meme mao untay ikalima na niyang anak sa iyang bana nga usa ka construction worker.
Giputos na lang og puti nga panapton ang bata aron nga di pistahan og tan-aw sa mga tawo.
Ang bata gihaya og usa ka gabii sa ilang balay, una nila gilubong kagahapon sa buntag, Lunes, didto sa sementeryo sa Mandug.
Linkback:
https://tubagbohol.mikeligalig.com/index.php?topic=73556.0