By Rey Tutas
P7.4 MILYON FIRE STATION SA UBAY, TUKORON SA BUREAU OF FIRE STATION, BAG-ONG FIRETRUCK GITUGYAN
Sa dili madugay, ang 1st class municipality nga lungsod sa Ubay makabaton na og fire station, human sa malampuson nga groundbreaking ceremony kagahapong adlawa, Nob. 11, 2019.
Sa ngalan ni Bureau of Fire Protection (BFP-7) Regional Director, Fire Senior Superintendent Gilbert Dolot, nangulo si Assistant Regional Director for Operations, Fire Supt.Randy Mendaros, Mayor Constantino Reyes uban kang Bohol Acting Provincial Fire Marshall, Chief Inspector Raul Bustaliño ug BFP-7 Chief Directorial Staff, Fire Chief Inspector Manases Bautista sa groundbreaking ceremony sa fire station.
Mokabat sa P7.4 milyones ang kantidad sa proyekto nga gipondohan sa BFP.
Si Acting Provincial Fire Marshall Bustaliño miingon nga ipabarug ang bag-ong fire station sa 1,000 metros kwadrado nga yuta'ng gidonar sa lokal nga kagamhanan sa Ubay ngadto sa BFP atbang sa runway sa tukorong Ubay airport sa Barangay Camambugan.
Matud ni Bustaliño, target nga sugdan sa Enero 2019 ang pagtukod sa duha ka andanang bag-ong Municipal Fire Station sa Ubay.
Si Fire Supt. Mendaros miingon nga gilantaw usab nila ang pagtukod og dugang pa nga usa ka fire station tungod sa kadako sa lungsod sa Ubay.
Ang BFP-Ubay gidumala karon ni Senior Fire Officer 2 Joseph Jasmin.
Ang BFP nakatakda usab nga mopahigayon og groundbreaking ceremony sa fire station nga tukoron sa mga lungsod sa Cortes, Garcia Hernandez ug Alicia.
Samtang, ang lokal nga kagamhanan sa Ubay mitugyan usab sa bag-ong fire truck ngadto sa BFP-Bohol.
Gilagdaan ni Mayor Reyes ug Supt. Mendaros ang Memorandom of Agreement (MOA) sa gitugyan nga Isuzu fire truck.
Mokabat sa P2.3 milyones ang kantidad sa bag-ong firetruck nga makakarga'g 6 ka libong litrong tubig.
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=91414.0