normal_post - K+12 ug ang 4+2 .unahon sa nila ang classroom - Talk of the Town Author Topic: K+12 ug ang 4+2 .unahon sa nila ang classroom  (Read 548 times)

kan-ogong

  • STUDENT
  • *
  • avatar_3631 - K+12 ug ang 4+2 .unahon sa nila ang classroom - Talk of the Town
  • Posts: 363
  • LIGO NATA
    • Share Post
xx - K+12 ug ang 4+2 .unahon sa nila ang classroom - Talk of the Town
K+12 ug ang 4+2 .unahon sa nila ang classroom
« on: October 07, 2010, 12:51:58 AM »
Ipatuman gayod sa kagamhanang Aquino ang programang K+12 ug 4+2 para sa edukasyon sa nasud sunod tuig. Ubos niining maong programa dili na puwede nga dawaton sa Grade I ang mga bata nga wa mag agi og pre-school. Mahimo na usab nga unom ang upat ka tuig nga High School. Busa ang mga mogradwar unya sa High School anaa na sa 18 anyos nga pangidaron.

Rason sa Malakanyang mao ang mga survey nga gihimo didto sa gawas sa nasud diin nagpakita nga mas taas ug maayo ang performancce sa mga tinun-an nga gradwado sa unom ka tuig nga high school kay sa mga gradwado sa upat ka tuig nga high school lamang. Unya maayo usab ang performance sa mga bata nga miagi sa pre-school sa wala pa kini mutongtong sa grade 1.

Way ayo ug dili makaayo sa mga ginikanang kabus ang programang nahuna-hunaan ni pangulong Aquino. Ok lang ang K+12 nga programa alang sa elementarya tungod kay nauso naman gani kini karon. Ang pagpatungha sa mga ginikanan sa ilang mga bata sa pre-school gikinahanglan na gayod aron dili mabiyaan sa klase ang ilang mga bata nga matipon sa mga tinun-an nga nagsugod og pre-school.

Apan ang pagdugang og laing duha ka tuig sa secondary education sa nasud maoy makapahapla sa mga ginikanan nga nagsukarap na tungod sa tumang kalisod. Ang gisaad nga kalamboan sa edukasyon sa nahisgutang programa damgo lamang ug usa ka matang sa pagpanglingla sa mga ginikanan ug mga tinun-an kay kun tumong pa sa gobyerno ang pagpalambo sa edukasyon nganong gilaslasan man niya ang gahin niini.

Ang edukasyon sa nasud ug ang iyang produkto maayo bisan pa og dili usbon ang tuig sa pagtungha basta hatagan lang kini og igong suporta sa atong gobyerno.

Ang gobiyerno dili makapaabot og maayong produkto sa iyang edukasyon kun ang halos tanang gikinahanglan alang sa pagtudlo wa niya ihatag. Ang gobyerno dili makapaabot nga maayo ug dekalidad ang mga gradwado sa iyang tunghaan kun naghuot ang iyang mga tinun-an sa usa ka classroom tungod sa kakuwang niini ug kun nagniwang na ang iyang mga magtutudlo tungod sa kadaghang tinun-an nga iyang tudloan kay nagkulang ang ilang gidaghanon.   

Ako nagtoo nga ang edukasyon sa nasud molambo bisan dili dugangan og dugang duha ka tuig ang secondary education basta tubagon lamang niini ang nahisgutang mga kakulangan.


Linkback: https://tubagbohol.mikeligalig.com/index.php?topic=32790.0
SOLONG MGA INSUREKTUS



Share via facebook Share via linkedin Share via pinterest Share via reddit Share via twitter
 

Sign-up or Log-in Free

 
 
Welcome, Guest. Please login or register.
SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal