Posted by Rey Tutas
WALAY PAGPANGOLEKTA UNA SA BASURA SA DAKBAYAN SA TAGBILARAN
Wala una'y himoon nga pagpangolekta sa mga basura sa tibuok dakbayan sa Tagbilaran, matud sa usa ka opisyal sa Solid Waste Management Office (SWMO) sa siyudad.
Kini human gisirhan sa Department of Environment and Natural Resources (DENR) ang open dumpsite didto sa Barangay Dampas ning siyudad.
Nangunay mismo si DENR Undersecretary for Solid Waste Management and Local Government Units Concerns Benny Antiporda sa pagsira tungod sa reklamo nga nangalisbong baho sa open dumpsite sa siyudad pinaagi sa Cease and Desist Order(CDO) karong adlawa, Nov. 20.
Si Lito Taladua, hepe sa City Solid Waste Management Office mibutyag nga sugod kagahapon, giundang una nila ang pagpangolekta sa mga basura ug dili pa niya matino kung hangtod kanus-a kini kutob.
Ang tanang 15 ka mga barangay kapitan sa siyudad gipanguluhan ni San Isidro Punong Barangay Fausto Budlong gipatawag ni Mayor John Geesnell Yap II alang sa hiniusang aksyon sa pagsulbad sa suliran sa basura.
Gihimo ang tigom uban sa bag-ong direktor sa EMB-7 nga si Lormelyn Claudio didto sa JJ's Seafoods Village.
Giklaro ni Taladua nga ang ilang kolektahon mao lamang ang residual waste nga ilabay didto sa Albur Cluster Sanitary Landfill.
Nanawagan usab si Taladua sa tanang lumulopyo sa dakbayan apil na sa mga establisamento nga ipatuman gyud ang "waste segregation at source, kon sa balay pa lang ilain na ang mga malata sa dili malata ingon man residual waste.
Ang mga residual waste sihaon og maayo sa tipangolekta'g basura dayon dalhon didto sa open dumpsite nga maoy mamahimong transfer station una kini ilabay ngadto sa ACSLF.
Moabot sa 8 ka toneladang residual waste matag semana gikan sa siyudad ang mahipos ug malabay ngadto sa ACSLF.(Rey Tut's)
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91521.0
Topic: Garbage Crisis in Tagbilaran (Read 592 times)