MikeLigalig.com

NAGKATAWA na lamang si Jinkee Pacquiao sa subli nga pagbuhi sa isyu bahin sa iyang bana nga si Manny Pacquiao ug sa sexy actress nga si Ara Mina.

Kahinumduman nga nahimo'ng kontrobersiyal ang kalit nga pag-uli ni Pacquiao gikan sa iyang training sa Amerika nga una nang gi-rasonan sa boksidor nga tungod sa iyang kamingaw sa iyang pamilya.

Apan may chismis nga naka-ahat og uli si Manny tungod sa bahad ni Jinkee nga buwagan siya human matud pa madungog nga nakigkita si Pacman kang Ara Mina.
Si Jinkee mismo ang namahayag nga dili true ang chismis nga subli na sab nga miliko og dalan ang iyang bana.

Gani, nagsabot sila si Jinkee ug Manny nga di na gayud nila padak-on pa ang isyu. - Sun Star

Linkback: https://tubagbohol.mikeligalig.com/index.php?topic=30470.0