Main Menu

Join MikeLigalig.com!

Why Just Read When You Can Join, Post, and Read!

Register
Menu

Show posts

This section allows you to view all posts made by this member. Note that you can only see posts made in areas you currently have access to.

Show posts Menu

Messages - estongbol-anon

Pages1
#1
Mabini - Bohol / Re: Mabini Bohol 2010 Election: Official Candidates
February 17, 2010, 09:06:44 PM
Sa akong pa-ngagpas sa mga magpapili sa pagka-Mayor sa atong lungsod kini lang gyud ang akong ika-asoy sarang makatabang sa atong pagpili.
1. Venancio Jayoma, unsa may iyang nahimo sulod sa iyang 3 ka termino pagka-mayor? Ang pag-semento sa kalsada atubangan sa iyang balay nga pipila lang ka dupa! Sa akong namatikdan siya ang "Mayor nga dali do-ulon, apan lisod pangita-on!" Palihug intawon ayaw dula-dulai ang imong gigikanan, kaming mga kabus! Ang imong panahon minglabay na, usa ka nalang ka sugilanon nga nahitabo sa atong lungsod! Palihug lang!
2. Kag. Jesha Cuyacot, sa imong 3 ka termino sa pagka sakop sa SB, unsa may imong mga programa nga nakapalipay sa atong mga lungsoranon? O kaha diha sa atong Brgy. sa Pob.1? Para kanako wala ako malipay. Kay sa pagkatinuod nadismaya kami kanimo tungod kay nagtuo kami sa imong pagkabatan-on, puno unta ikaw sa idealismo ug mga tinguha alang sa mga kabatan-onan diha sa atong lungsod apan pakyas kami. Sama lang diay usab ikaw, sa usa ka tawo-tawo sa basak! Karon nangandoy ka nga mamahimong Mayor, usa may imong nahimo sa Konsehal pa ka? Aduna ba 'kay leadership? Kay sa akong pagkahibalo nagpunay lang ka ug bantay sa imong Optical Shop. Palihug ayaw, gamita ang mga pubre'ng mga mag-uuma sa Lubi nga sakop sa imong Amahan! Ug kitang mga batan-on, labina diha sa Pob. 1, palihug ayaw palingla sa iyang mga talidhay!!!
#2
LGU Philippines / Re: Angayan ba si Gov. Erico Aumentado mobalik sa Second District?
January 13, 2010, 08:28:01 PM
Subo jud kaajo palandungon, apan ingon jud niana ang dagan sa pulitika. Ug matud pa sa uban, nga tigulang na si Aumentado ug nagkangu-kango na. Apan diha nalang ko niya kay ubay-ubay usab ang iyang handumanan sa maong distrito. Kay sa ipasa na usab sa asawa ang gihuptan nga position sa bana. Ug para nako walay lain nga kapili-an ang katawhan,nga adunay igong kasinati-an sa pagdumala.
#3
LGU Philippines / Re: Angayan ba si Gov. Erico Aumentado mobalik sa Second District?
January 13, 2010, 08:24:09 PM
Subo jud kaajo palandungon, apan ingon jud niana ang dagan sa pulitika. Ug matud pa sa uban, nga tigulang na si Aumentado ug nagkangu-kango na. Apan diha nalang ko niya kay ubay-ubay usab ang iyang handumanan sa among distrito. Kay sa ipasa na usab sa asawa ang gihuptan nga position sa bana. Ug para nako walay lain nga kapili-an nga adunay igong kasinati-an sa pagdumala.
#4
Mabini - Bohol / Re: History of Mabini, Bohol
December 04, 2009, 02:57:21 AM
TAGA-MABINI, KINSA MAY NINGDAGAN PAGKA-MAYOR UG BISE MAYOR SA ATONG LUNGSOD? SHARE USAB MO SA INYONG PANAHON.
#5
Mabini - Bohol / Re: History of Mabini, Bohol
November 12, 2009, 02:54:27 PM
Quote from: outfit39 on November 08, 2009, 08:46:48 PM
ESTONGBOL-ANON,

YUP IG-AGAW MI NI KUYA ARNIEL UG OLIVE..ILANG TATAY KAY OLDER BROTHER SA AKONG TATAY..WLA PA KOI KA-ALAM2X NGA NAG KITA MI..I THINK NAA CLA SA MANILA KARON..I'VE ALWAYS BEEN THERE SA TANGKIGAN KAY CGE MI DUWA UG BASKETBALL..IG-AGAW NA SA AKONG TATAY ANG BRGY. CAPTAIN SA TANGKIGAN..SI PAMELA MACA MAYAO..

EDCEL,

MAAJONG ADLAW!

MAO BA. KANANG KAPITANA SA TANGKIGAN KARON IG-AGAW POD KUNO UG TAGSA SA AKONG NANAY. PERO WLA MI MAG-ILHANAY, WALA KO MAKAHIMAMAT KAAYO NIYA. ANG AKO LANG NAHIBALO-AN NGA ANG IYANG TATAY IGSOON SA AKONG LOLO OCA MACA (TATAY SA AKONG NANAY) TAGA-CABANDO, POBLACION 2.

ANG AKONG MGA TABARKADS DIHA SA TANGKIGAN SILA; PARE WARNER CUNADO UG SI BOSS ASTER PIQUERO KAY KAUBAN MI UG SAKA SA TAGBILARAN DURING OUR COLLEGE DAYS.

UG ANG AKONG BATCH SA HIGH SCHOOL SA SMI SILA: INLING UGAY, ARLENE AYAG, APOLLO PIQUERO ...

EDCEL, SIGURO ANG IMONG PAPA KAILA SA AKONG INAHAN, KAY SA BUHI PA'TO MAG-ADTO-AN MAN TO SA TANGKIGAN KANUNAY. ANG PANGALAN SA AKONG NANAY NERIE UG ANG AKONG TATAY DEMET-TAGA CENTRAL.

MUZTA NLANG IMONG FAMILY!
#6
LGU Philippines / Re: Rene Relampagos vs Roberto "Bert" Salinas in Bohol's First District
November 08, 2009, 09:48:58 PM
NAUNSA NAMAN NI SI EX-GOV. "GO FOR GO-OD" OY!
MURA NAMAN NI'G IRO'NG WALAY TAG-IYA NGA NAGSUROY-SUROY.
SA MGA BOL-ANON NAGPAKALO-OY
MAKABALIK LANG SA PULITIKANHONG HUGOY-HUGOY!

SA MI-AGING PINILI-AY DIDTO SIYA SA AMONG DISTRITO,
PAAGI NIYA KANTA DIRI , KANTA DIDTO
BUOT NIYA'NG IBALIK ANG AMONG PAGSALIG UG RESPETO
APAN NAHADLOK NA, ANG MGA TAWO!

PRESKO PA SA AMONG MGA PANUMDUMAN,
ANG NADANGATAN SA BUNGTOD UG SA KABAYBAYONAN,
"DAW MING TABOK SIYA SA AMONG NATARAN",
NGA WALAY GYUY GIKAHADLUKAN!

APAN ANG MGA BUNGTUD  NAGBANGUTAN!
TUNGOD SA PAGKAHANAW SA ILANG KAUBAN.
NADISMAYA ANG MGA KATAWHAN,
KAY LAGI MAO INTAWO'Y YANO'NG TIMA-ILHAN!

ANG KAPUTI SA BALAS, SA AMONG DISTRITO,
BILILHONG GASA SA MGA TAWO.
DAKO UNTANG TABANG ANG MAHIMO
APAN INTAWON, TUA GIDALA SA SUGBO.

UNYA KARON GIHU-NGIHONG SA UNANG DISTRITO,
NAGPLANO'NG MAGPAPILI DIDTO
AW, BUYNO...SA AKONG PAGKAHIBALO,
WALAY MGA QUARRY DIDTO!
#7
Mabini - Bohol / Re: History of Mabini, Bohol
November 08, 2009, 08:29:11 PM
Quote from: outfit39 on November 07, 2009, 07:54:09 PM
hi i'm edsel ayag..naa ko nag stay sa lapu-lapu city, cebu kron..my father is from tangkigan mabini bohol..last fiesta mi uli mi together with my family..my father is enhilberto ayag or "berting"..my father is son of EULALIO AYAG or HAPPY2X kay ilado na akong apohan kay pala-inom mn..mabini is a place nga dili nko ika baylo tungod sa mga tao nga friedly...

EDSEL,

KAILA KO SA IMONG LOLO, SI HAPPY-HAPPY ,KAY DIHA PA MI TINDAHAN SA MERKADO SIGE MAN SIYA ADTO LABINA KUN TABO. ANG AKONG LOLA, SIDE SA AKONG NANAY TAGA-TANGKIGAN POD, FELICIA SAJONIA-MACA (MANGHIHILOT), IGSOON SILA NI MAMAY BEHES AYAG-ASAWA NI NONG ALAS.

IG-AGAW DIAY MO NI ARNIEL UG OLIVIA AYAG. DATI ANG ILANG BALAY BEFORE MUABOT SA TULAY. KMUSTA NALANG NILA!
#8
Bisaya Cebuano Language / Re: Binisayang Idioms and Its Meaning
November 04, 2009, 06:54:08 PM
MGA SANO UG SANA, PALIHUG KUNO KO UG BASA ANI BAH.

"ANG ANG-ANG, ANG ANG."
#9
LGU Philippines / Re: Ang Pagresign ni Chiz Escudero
November 04, 2009, 06:17:16 PM
Quote from: Brownman on November 01, 2009, 06:21:44 PM
kulba man sad ning imung balak bai estong
himu i ra gud ug balak si paring ERAP kay
gasamok samok na sad.

BAI BROWNMAN, ANIA NA ANG IMONG GIPANGAYO, PASENXA NA, KARON PA AKO KA LUGAR. UG KINI LANG GYUD ANG AKONG NAHAGDAW. PALIHUG NALANG KO UG CLICK NIINI. DAGHAN JAMONG SALAMAT.

http://tubagbohol.mikeligalig.com/index.php?topic=23268.35
#10
LGU Philippines / Re: Can Erap Estrada Run Again as President of the Philippines?
November 04, 2009, 01:23:50 PM
Erap…presidente na pod!
ni estong o.

Nagkaguliyang na usab ang mga pulitiko,
Sa bugnong lugaynon nga ilang paborito.
Kampanya diri, kampanya didto,
Mahat-ag lang ang ilang mga plata porma de gobyerno!

Plata porma de gobyerno kuno,
Sumbanan sa mga magpapili’ng kandidato.
Paagi sa pag-agni sa mga pulitiko,
Aron masaligan sa mga botante'ng mga tawo!

May uban walay kaugalingon plata porma,
'Mong gamit sa mga pobre alang sa ilang kandidatura.
Ipakita sa katawhan “Pro-poor” kuno ang ilang programa,
Sa ingon, ang mga kabus,“malansi” ug ma-ilad nila!

Naa pa gyu'y usa, makatawa ka,
Sa pagka-presidente niagi na.
Convicted na apan nakaguwa pa,
Magpapili kuno kay hinlu-on ang bansagon niya!

Mapasigarbon siyang ming-asuy sa katawhan,
Ang iyang pagka-presidente “open book” kuno sa   tanan.
Apan sa dihang ang iyang librito na ang paga-ablihan,
Didto napatik siya sa atong ang kasaysayan!

Gisaligan siya sa katawhan,
Sa tinguha nga ang nasud mahaw-as sa kalisdanan.
Apan nanghinubra ang iyang kagamhanan.
Maong ang iyang buhatan  sulod na sa “piitan”!

Hastang... baga-a gyud ug nawong,
Nagpaka-isosente sa iyang pagpanglimbong.
Sa tibuok nasud, tawhanong nakigharong.
Ang Presidente sa Pilipinas nga natingkagong!

Ang duot sa katawhan nga nagbutang kaniya,
Sa kalsada usab sila’y nag-una.
Dili sa pagsinggit ug, “Erap ang pag-asa”,
Kun dili, “Erap, palitan na”!

Hala mga tawo! Unsa'y iyang ipanghatag dawata,
Kay sa gobyerno  kana nga mga  kwarta.
Ang atong ka-pobrehon giyatakan nga walay konsensya,
Aron mohumot lang ang iyang mga kampanya!

Katawhan tan-awa ra,
Siya nakigtigis sa Korte Suprema.
Sa Batakang Balaud nagpaka-ignorante pa,
Makalusot lang ang iyang kandidatura!

Niining nagsingabot nga National Election,
Ayaw itugot nga kita biktimahon.
Sa presidente’ng magpapili sa ikaduhang higayon,
Basin baya’g sugilanon na usab, sa nasud tang Pilipinhon!
#11
Bisaya Cebuano Language / Re: Binisayang Idioms and Its Meaning
November 03, 2009, 05:29:54 PM
Mga Sano ug Sana, asuyi ko kun usay inyong pagsabot niining mga mosunod:

"May gatas pa 'nang imong baba!"

"Estorya ilalum sa dagat"

"Dan-ag pa's alketran ang kaugma-on!""

Abtik pa's manatad!"

"Dali pa'y manguros!"
#12
LGU Philippines / Re: Ang Pagresign ni Chiz Escudero
November 01, 2009, 04:01:46 PM
Quote from: bugsay on October 29, 2009, 04:17:21 PM
Sulti ra'y nagdaghan aning tawhana.....way buhat.
Tan-awon ta karong umaabot nga mga adlaw, kaonon ra niya ang iyang gipanulti.

Escodero'ng Kagamhanan!...
Gihan-ay ni Estong O.

Usa ka batan-ong politiko,
Puno sa mga ideyalismo ug damgo.
Anak sa usa ka-Politiko'ng Ministro,
Nga naghari sa panahon sa Martial Law!

Maghigmata na kita sa pagpatunto,
Sa nagtakuba'ng batan-ong politiko.
Nangandoy sa usa ka pagbag-o.
“Nagmalinis”, apan diay usa ka-”TRAPO”!

Buot niya'ng ihikling ug itago,
Ang iyang naglatay'ng “TRAPO'NG” dugo!
Nagpakahilom sa Martial Law'ng panghitabo,
Kay ang iyang pamilya na-adunahan man ug nadato!

Nahimugso ang iyang pagka-politiko,
Tungod sa pag-agak sa usa ka partido.
Ug karon nakita niya dili siya suportado,
Gikundinar ug giabanduna na, ang iyang partido!

Sud-onga! Kun unsa kini nga klase'ng pagka-tawo?
Sa iyang pagpapili sa Kongreso ug sa Senado.
Habahab sa katawhan walay negosyante'ng nagpaluyo.
Apan sa iyang ngabil minggula ang sekreto!

Sa iyang pagpanulti, daw mga pulong taphaw.
Walay sugkaran ingon sa hangin naglutaw-lutaw.
Ako wala madasig' isip usa ka tigpaminaw.
Kay para kanako susama lang sa aso nga mahanaw!

Gipamugos ang iyang kaugalingon sa katawhan,
Daghan kuno siya'g plano alang sa kabag-ohan.
Ang Politikanghong Partido dili niya igsapayan,
Kay mag-inusara  kuno niya'ng dumala-on  ang kagamhanan!

Busa mga butante'ng Bol-anon!
Ayaw pagpadala sa mga nagtakuban'g pili-onon.
Gamiton nato ang atong pagka-maalamon,
Alang sa kabag-ohan sa probensya 'tang Bol-anon
   ug sa nasud 'tang Pilipinhon!
#13
LGU Philippines / Re: Can Erap Estrada Run Again as President of the Philippines?
October 31, 2009, 11:05:23 PM
MGA SANO UG SANA, NINDOT KAAYO ANG ATONG MGA KULUKABILDO DINHI SA TUBAGBOHOL. SALAMAT SA TAWO NGA NAKAHUNA-HUNA NIINI.

MGA SANO UG SANA, KINING SITUATION SA BAGA'G NAWONG NGA ERAP NAKAHATAG UG NEGATIBONG IMAHE SA ATONG NASUD. SEGURO BUOT LANG NIYA SUKDON ANG KATAGSIP SA HUNA-HUNA SA MGA FILIPINO. APAN BUOT LANG AKO, IPAHINUMDOM SA ATONG MGA KAIGSOONAN KUN UNSA KINING KLASE NGA TAWO SI ERAP, SA DILI PA KITA MUPATUYANG SA ATONG MGA LANTUGI. SA SINUGDAN SAYUD KITA NGA KINI SI ERAP USA KA ARTISTA SA "PINILAKANG TABING". NAGHATAG UG LINGAW KANATO PANAHON SA ATONG KALAAY. SA KLASE SA IYANG PANGINABUHI SA LAKTUD NGA PAGKASULTI SIYA USA KA "KINGKOY". NGA SA ATO PA, BUOT NIYA KITA HIMOONG MGA FANS SA IYANG PERSONAL NGA PASUNDAYAG. UG SA  AKONG PANGLANTAW, NGA SEGURO NAGTUO SIYA NGA ANG PAGPAPILI ISIP USA KA PRESIDENTE SA NASUD, SUSAMA SA PAGHIMO NIYA UG MGA PINIKULA NGA ADUNAY "TAKE TWO"! PAGKALISOD BAYA SPELLINGON KINI SI ERAP. PASALAMAT NALANG KO SA MGA BOL-ANON KAY MAAYO KAAYO UG PAMINSAR!
#14
Mabini - Bohol / Re: History of Mabini, Bohol
October 31, 2009, 05:09:05 PM
Pangindahay...
Ni Estong O.

Sa akong pagpa-nginabuhi isip usa ka-langyaw.
‘ning nasod sa mga Arabo, dili gyud ti-aw.
May panahon usahay ako malingaw,
Apan ang kamingaw, mao gyud mopatig-babaw.

Ingon gyud siguro niini ang ma-ngindahay.
Sa pagpangita sa kinabuhi ma-ingon tang hamugaway.
Kaugalingo’ng kinabuhi andam sa mga pagsulay.
Makab-ot lang ang gitinguha’ng kahayahay!

Sulod sa siyam ka tuig sa akong pag-pangindahay.
May mga adlaw usab, bati-on nako ang kala-ay.
Usahay, mosantop sa akong galamhan ang pagmahay.
Walay mahimo, kaugma-on sa pamilya ang “naka-salalay!”

Bisan paman ingon niini ang dagan sa mga pang-hitabo.
Sa kahitas-an, akong gisangon ug gi-ampo.
Pangaliyahan unta ang matag-adlaw’ng kahago.
Kay lagi ang tanan , Dios ra’man gyud ang mag-igo!

Ug kining tanan, kinahanglan gyu’ng paga-dawaton!
Mga kalisod, paga-agwantahon.
Kumbinsihon ang kaugalingon nga  maglipayon.
Tungod sa mga Anak nga nahibilin intalon!

Busa kayud sa trabaho, taman sa mahimo!
Huptan ang panudlanan, labina ang suweldo.
Sa mga uso, dili gyud magpatunto!
Kay raba, walay sukdanan ang atong gusto!

Magtigum! Ug mouli sa ato.
Magpundar ug gagmay’ng panginabuhi-an, basta ato!
Sa mga Anak mahatag ang saktong pagmatuto.
Sarang panag-ingnan unta, sa ilang pagdako!
#15
Mabini - Bohol / Re: History of Mabini, Bohol
October 31, 2009, 04:59:15 PM
MS. CATALINA KUN SA CONCEPCION KA NAGPUYO KARON. SA ATO PA ADUNANAY CONNECTION UG INTERNET DIHA SA CONCEPCION. MAAYO KAY DILI NATA KAAYO BEHIND SA MGA USO.

MS. CATALINA, KINSA DIAY IMONG BANA? BASIN UG NAKAILA KO NIYA KAY SUROYAN MAN KO NIADTO. TAUD-TAUD NABA KA DIHA SA MABINI?
#16
Bisaya Cebuano Language / Re: Adyos, Mga Kahoy Sa Guindulman
October 30, 2009, 07:29:47 PM
ALANG SA MGA GUINDULMANON, AKONG MASULOB-ONG PAGTIMBAYA SA INYONG KASUB-ANAN SA PAGKAHANAW SA SENTENARYONG MGA KAHOY NGA SA USA KA PAMILOK SA MATA NAHANAW NA!

KANINYONG TAGA-GUINDULAMAN, USA KINI KAHAGIT DIHA SA INYONG LUNGSOD NGA DILI KAMO MAGPAKABUTA UG MAGPAKABUNGOL SA MGA PANGHINUBRA SA IMONG MGA OPISYALES. KINI ANG INYONG ANGAY BANTAYAN NGA KUN ANG INYONG TALAHURONG MGA OPISYAL KUNO, NAKAHIMO O NAKA-AKO SA PAGPUTOL NGA MGA ACACIA NGA NAHIMOTANG DIHA SA PUSOD SA INYONG LUNGSOD NGA UBAY-UBAY'NG MGA MATA ANG NAGTAN-AW. PALIHUG BUDLAYI NINYO UG SUSI O TAN-AW ANG INYONG KABUKIRAN O KALASANGAN BASIN BAYA UG NAGMATA NALANG KAMO UG MORNING!!!
#17
Mabini - Bohol / Re: History of Mabini, Bohol
October 30, 2009, 07:03:33 PM
IKAW, MS. CATALINA TAGA-ASA DIAY USAB IMONG KAGIKAN? NAA USAB KAY MGA KAGUPA SA MINOL? MAAYO, BASIN BAYA KUN NAA PA KITA'Y SUBAYUNON KAY ANG AKONG LOLA (INAHAN SA AKONG AMAHAN) LUMAD GYUD NGA TAGA-MINOL.
#18
Mabini - Bohol / Re: History of Mabini, Bohol
October 30, 2009, 06:56:29 PM
ANG AKONG LOLA TAGA-MINOL, FELECIO ANG IYANG APELYIDO.
#19
Bisaya Cebuano Language / Re: Adyos, Mga Kahoy Sa Guindulman
October 30, 2009, 04:54:30 AM
KINI NAGPAKITA LANG NGA TINUOD GYUD ANG PANULTIHON NGA "DILI TANANG KAUSABAN NAGDALA UG KAAYUHAN!"

SEGURO KUN WALA KO MASAYOP, MGA BASIN ANG LOKAL NGA KAGAMHANAN SA LUNGSOD SA GUINDULMAN BUOT IPAKITA NILA SA MGA KABATAAN NGA ANG ACACIA NGA KAHOY ILANG MAKITA DILI NA SA PALIBOT O SA KALASANGAN KUN DILI SA LIBRO NALANG.
#20
Mabini - Bohol / Re: History of Mabini, Bohol
October 30, 2009, 02:56:26 AM
Ang Lungsod Namong Mabini!
Gihan-ay ni Estong O.

Ako’ kamo  karong suginlan ug asuyan,
Sa lungsod nga akong gikahimugso-an.
Sa Biente â€"dos ka baryo nga iyang gilangkuban,
Ang katawhan ug ang ilang panginabuhi-an!

Ang  baryo sa “TANGKIGAN.”
Ubay-ubay ang ilang panginabuhi-an.
Lumulupyo sa kwarta dili kawad-an,
Samtang dili mapanas ang kalubi-an ug kanipa-an!

Ang mga baryo sa “CABIDIAN” ug “BULAWAN”.
Abunda sa mga kadumahan ug ka-cacao-wan,
Ang ilang sikwati’ng espiso   dili katagbawan.
Pinarisan sa bibingka ug suman!

Ang baryo sa “CAWAYANAN”.
Ginagmay’ng panagat ug panglabas ang panginabuhi-an.
Ang  kainit ug katunag gi-antos  ang tanan,
Sa pamilya mahatag lang ang panginahanglan!

Ang baryo sa akong katigulangan, ang “MINOL”.
Panginabuhi-an kasagaran pamaling ug pamasol.
Apan ang katawhan walay pagbasol,
Sa gasa sa kadagatan nga dili ikagu-ol!

Ang baryo sa “CONCEPCION”.
“BANLAS” ang kanhi-ay nilang ingon.
Pagtuo sa katawhan, panginabuhi-an kanunay pagabanlason,
Maong  gihinganlan nalang sa mahal nilang debosyon!

Ang baryo sa “TAMBO”.
Mga tawo yano ang pamuyo.
Sa gabii, sayo mopahulay ang mga minyo,
Tungod sa mga imbaw ug takubo!

Kun maghisgot kita ug mga baryo,
Nga kapangalan sa ilado ug banggi-ita’ng mga tawo,
Anaa sila ni “ABAD SANTOS”, “DEL MAR” ug “MARCELO”.
Nakigbisog sa nasud tang Pilipino!

May mga baryo nga dili ninyo matayo-tayo!
“SAN ROQUE”, “SAN RAFAEL”, “SAN JOSE” ug “SAN ISIDRO”.
Sa langit sila  tu-a didto,
Maoy tigpataliwala sa Ginoo ug sa Buhing mga Tawo.

Ang mga baryo sa “BAYBAYON” ug “LUNGSODAAN”.
Dagkong mga panagat ang ilang panginabuhi-an.
Usa ka lungsodnong  tuburan,
Paninguha-an sa mga gihan-ay’ng kalambo-an!

Ang baryo sa “AGUIPO”.
Maoy ilado sa tanang mga baryo.
San Vicente Ferrer daghang deboto,
Manimba ug managkot didto!

Ang baryo sa “ABACA”.
Kahumayan labihang daku-a!
Kung ikaw mahigugma sa ilang mga dalaga,
Ago’y swerte ka! Kay sila makabuhi na ug bana!

Ang “Vallecera- Lagala” kun “VALAGA”  nga baryo,
“BINIT” ang tawag nila kaniadto.
Pangalan kinuha sa duha ka apelyido,
Pagtahud sa duha ka bantugang mga tawo!

Kun ang “POBLACION DOS” adunay munisipyo!
Kami usab sa “POBLACION UNO” adunay merkado publiko!
Maoy centro sa tanang mga baryo,
Bibo, labina sa fiesta sa Oktubre ug Mayo!

Ug sa katapusan, ang layo ug mamingaw nga baryo,
Apan maoy gipangandoy sa tanang mga tawo.
Lugar nga maoy gisaad sa atong Ginoo,
Magpuyo uban kaniya didto sa “PARAISO”!
#21
LGU Philippines / Re: Can Erap Estrada Run Again as President of the Philippines?
October 29, 2009, 09:10:21 PM
Ang Article VII, Section 4: Bisan dili ko usa ka abogado o batid sa balaud, apan daw tataw kaayo ang nahisulat sa maong balaud nga dili na gyud maka-pasubli ang usa ka presidente.
Apan unsa may atong mahimo kung makiglalis ta sa usa ka ERAP? Matud pa sa akong Amahan nga mipanaw na, nga lisud kuno kaayo magpasabot sa usa ka tawong nagpaka-ignorante!

TINAHOD NGA SUPREME COURT, ayaw usiki ang inyong panahon sa pagpasabot sa balaud ngadto kang ERAP. Hinuon tabangi ang pobreng katawhan sa nasud nga intawon nag-atus sa dili saktong hustisya!
#22
LGU Philippines / Re: Can Erap Estrada Run Again as President of the Philippines?
October 29, 2009, 08:55:29 PM
Kun ako ang Comelec, akong padaganon si ERAP. Nganong ako mang did-an? Para nako walay katungod ang Comelec sa pagdili ni ERAP sa pagdagan bisan mag-uban pa sila sa iyang adviser nga si Maceda. Asa may ilang gusto MAG-ROUND BOHOL o sa BOHOL GRANS STAND lang? Mr. ERAP UG MANONG MACEDA adto nalang mo sa plaza Rizal atubangan sa Bohol Capitol kay daghang mga SENIOR CITIZEN nga mag-jogging kada-buntag! Basin baya kun nagtuo mo nga ang Malacanan puluy-anan sa mga Senior Citizen dili oy! Gani ang Golder Acher gibalhin naman sa laing lugar. Kun ako ninyo magpuyo nalang mo sa iyong tagsa-tagsa ka balay unya magkape-kape nalang mo! Ang inyong panahon minglabay na, usa nalang mo sa HISTORY sa nasud nga inyong gikunis-kunis ngadto ka kapobrehon!!! Kaming mga Bol-anon dili susama sa inyong mga paminsar. Igo nalang kaming muyam-id kun  makadungog mi sa inyong mga APELIYIDO ng bahu pa sa utot ni Plabiboy!!!
#23
LGU Philippines / Re: Ang Pagresign ni Chiz Escudero
October 29, 2009, 08:32:49 PM
Sa akong pagpamalansi sa tuno sa iyang pagpapanulti atubangan sa media. Daw akong nakita ang usa katawo nga hadlok kaayo saligan. Kay ngano man, human siya mabantug isip usa ka batan-ong politiko sa atong nasud pinaagi sa usa ka political party karun daw iya nang gikondinar ang kaimportanti niini. Si Sen. Escudero usa ka batan-on nga politiko apan nagtakuban. Siya usa ka ngil-ad kaayo nga himuong panig-ingna sa atong mga kabatan-on.  Busa mga kauban kung kabatan-onan nga may tinguha lang sa kabag-ohan sa atong nasud nga Pilipinas, atong ipatiglalum ang atong paminsar sa pagpili ug usa ka leader o presidente. Dili kita maghala-hala tungod kay si Sen. Escudero usa ka batan-on. Ang angay natung pili-on ang adunay intergridad sa pagka-tawo. Mga kabatan-onan, pamaladongi kini: "Sulayi kuno ug buhat ug balay nga usa lang ka-tawo kun kaya ba." Dahan jamong salamat.
#24
Mabini - Bohol / Re: History of Mabini, Bohol
October 26, 2009, 04:27:30 PM
ANG SACRISTAN, ASA DIAY KA SA MABINI?
#25
Mabini - Bohol / Re: History of Mabini, Bohol
October 26, 2009, 04:22:56 PM
EVENT       : SMI BATCH '92 CLASS REUNION
DATE             : MAY 07, 2010 (FRIDAY)
VENUE           : SMI QUADRANGLE, MABINI, BOHOL-PHILIPPINES

CONTACTS :
MANILA      :  GOMER  AMOGUIS   0915-3150972
          Email Add: amoguisgomer@yahoo.com    

MABINI       :  BRGY. CAPT. CRISPINA AYAG- VERGARA  0917-3208988
          BRGY. CAPT. TEOFANIS GULTIA    
 
MINDANAO:     

OVERSEAS   : NESTOR ODARVE (UAE)  00971-50-5387568
         Email Add: nmodarvedxb@yahoo.com   

#26
Mabini - Bohol / Re: History of Mabini, Bohol
October 26, 2009, 04:14:09 PM
ANG SACRISTAN, ANG AKONG NAILHAN SI MAAM BABY AYAG-BETONIO KAY SAKOP MAN KO NIYA SA MUSIC SA ELEMENTARY PA AKO. UNYA SI EMILIO UG NANG EUDIE GARCIA, SI NONG WEL BUSANO, UG MAG-IGSOONG FEMIA UG AMAY AMOGUIS SILINGAN MI.
#27
Mabini - Bohol / Re: History of Mabini, Bohol
October 24, 2009, 08:11:47 PM
ANG SACRISTAN, PASENSYA NA KAY WALA PAMAN KO MATAWO NIANANG TUIGA. KINSA DIAY IMONG MGA BATCH NGA TAGA-POBLACION 1 BAKA KAILA KO. :)
#28
Bisaya Cebuano Language / Re: Binisayang Idioms and Its Meaning
October 24, 2009, 07:48:06 PM
SYOTA NG BAYAN  -(SA TUBA-AN) "BANTULOK"
GWAPA- "MAANYAG"
GWAPO- "AMBUNGAN"
#29
Mabini - Bohol / Re: History of Mabini, Bohol
October 24, 2009, 07:37:02 PM
MR. BUWADSANGA, KAILA KO MANOLS TAGA-CAWAYANAN NGA MAAYO SAB MUHAGOD SA IYANG TINGOG. SA SK PA MI, ANG ILANG BAND: "ADASTAP" AMONG GI-INVITE SA FIESTA SA SANTO ROSARIO.
#30
Mabini - Bohol / Re: History of Mabini, Bohol
October 24, 2009, 07:33:15 PM
MR. BUWADSANGA, KAILA KO NI MANOLS TAGA-CAWAYANAN NGA MAAYO USAB MUHAGOD SA IYANG TINGOG. SA SK PA MI, ANG ILANG BAND: "ADASTAP" AMONG GI-INVITE, LINGAW SAB ANG MGA TAWO.
#31
Mabini - Bohol / Re: History of Mabini, Bohol
October 24, 2009, 07:15:19 PM
EVENT:  SMI BATCH '92 CLASS REUNION
DATE :   MAY 2010
VENUE:  SMI QUADRANGLE, MABINI, BOHOL-PHILIPPINES

CONTACTS:
MANILA : GOMER AMOGUIS 0915-3150972
             Email Add: amoguisgomer@yahoo.com

MABINI : BRGY. CAPT. CRISPINA AYAG- VERGARA 0917-3208988
             BRGY. CAPT. TEOFANIS GULTIA

MINDANAO:

OVERSEAS : NESTOR ODARVE (UAE) 00971-50-5387568
                 Email Add: nmodarvedxb@yahoo.com
#32
Mabini - Bohol / Re: History of Mabini, Bohol
October 24, 2009, 07:08:19 PM
DUGANG PANG MGA FAMILY NAMES NGA DAGHAN SA MABINI:
1. POBLACION 1: CORONA/BERNALES
2. POBLACION 2: FOSTANES/OLAJAY
3. TANGKIGAN: AYAG/UDTOHAN/PELIGRINO/LADRA
4. CABIDIAN: AYOP/FELISILDA
5. BULAWAN: MUSONG/TUTOR
6. ABACA:TUTOR/ELLORIMO/ELLE/CADIGAL
7. SAN ROQUE: BUYNAY/MIANO/ABUEVA
8. SAN RAFAEL: DONGEL
9. VALAGA: VALLEGERA/LAGALA
10. LUNGSODAAN: VALLEJOS/SALAUM/BAYRON
11. BAYBAYON: VALLES/AUDITOR
12. SAN ISIDRO: VALLESPIN/ISAGRE
13. DEL MAR: VALLEJOS/MIANO
14. SAN JOSE: VALLENTI
15. PARAISO: BOYLES
16. AGUIPO: JOTOJOT/BUSBUS/PIQUERO
17. CAWAYANAN: BERNALES/EDQUILANG
18. MINOL: FELECIO/AYADE/TABIGUE/VALLESPIN
19. CONCEPCION: VALLECERA/ARATAN
20. TAMBO: TUYOR/CASTILLON/DUSARAN/WAHING
21. MARCELO:TUYOR/JAMIN/DOYDORA
22. ABAD SANTOS: TUYOR/IBANEZ
#33
Bisaya Cebuano Language / Re: Binisayang Idioms and Its Meaning
October 24, 2009, 06:09:02 PM
sagdi sana, kay mao nay akong home work.
#34
Bisaya Cebuano Language / Re: Binisayang Idioms and Its Meaning
October 24, 2009, 06:03:23 PM
"ISULAT SA TUBIG" - saad nga walay katuman.
#35
Bisaya Cebuano Language / Re: Binisayang Idioms and Its Meaning
October 24, 2009, 05:58:33 PM
"MAAYO'G BAROG, ANG TIYAN NAGKUROG-KUROG."  -  tawong hambugiro
#36
Bisaya Cebuano Language / Re: Binisayang Idioms and Its Meaning
October 24, 2009, 05:52:47 PM
salamat sa imong mainito'ng pag-abi-abi.
Quote from: catalina on October 24, 2009, 05:41:30 PM
estong welcome sa TB
#37
Bisaya Cebuano Language / Re: Binisayang Idioms and Its Meaning
October 24, 2009, 05:48:03 PM
"POLITIKONG SIGE'G DUKO ANG ULO" - politikong walay prinsipyo ug baruganan.
#38
Bisaya Cebuano Language / Re: Binisayang Idioms and Its Meaning
October 24, 2009, 05:41:41 PM
"WALAY UTOT MAKUMKOM" - walay dautang binuhatan nga matago hangtud sa kahangturan.
#39
Bisaya Cebuano Language / Re: Binisayang Idioms and Its Meaning
October 24, 2009, 05:35:56 PM
"NAMATAY SA KAMAY" -namatay sa kalami
#40
Bisaya Cebuano Language / Re: Binisayang Idioms and Its Meaning
October 24, 2009, 05:29:50 PM
"KULOB ANG KALDIRO"- WALA NAY PANGITA O PANGINABUHI-AN
Pages1