Author Topic: SWIMMING BILANG SUBJECT SA PAARALAN ISINUSULONG SA KONGRESO  (Read 877 times)

MikeLigalig.com

  • FOUNDER
  • Webmaster
  • *****
  • Posts: 33284
  • Please use the share icons below
    • View Profile
    • Book Your Tickets on a Budget
SWIMMING BILANG SUBJECT SA PAARALAN ISINUSULONG SA KONGRESO
« on: October 14, 2017, 09:43:10 PM »
Dahil 2.5K Pinoy ang patay sa pagkalunod kada taon:
SWIMMING BILANG SUBJECT SA PAARALAN ISINUSULONG SA KONGRESO
               
Pagkalunod ang pangalawa sa pangunahing sanhi ng pagkamatay ng mga batang pinoy edad 14 pababa, ayon sa United Nations International Children's Emergency Fund (UNICEF).
 
Ayon din sa Philippine Health Statistics, 2,496 ang average na bilang kada taon ng mga namamatay sa Pilipinas sanhi ng pagkalunod mula 1980 hanggang 2011.
 
Dahil sa nakababahalang istatistika, inihain ni Iligan Lone District Representative Frederick Siao ang House Bill 3495 o ang Drowning Prevention Act na layong isali ang swimming lessons, safe rescue, at water safety sa subject na MAPEH (Music, Arts, Physical Education, and Health) sa mga paaralan.
 
Nais ni Siao na isali sa K-12 Basic Education Curriculum ang swimming at gawing bahagi ng istratehiya ng pamahalaan para mabawasan ang kaso ng pagkalunod sa bansa at maging recreational activity ng mga mamamayan, yamang ang Pilipinas ay isang archipelago.
 
Kapag naisabatas ang HB 3495 ni Siao, kakatha at magpapatupad ang gobyerno ng mga planong pangkomunidad para mabawasan ang pagkalunod sa bansa sanhi ng kawalan ng kaalaman sa paglangoy. Di lamang mga nasa eskwelahan ang sakop nito kundi ang lahat ng Pilipino.
 
“Lahat ng barangay at neighborhood association ay dapat magkaroon ng emergency responders na may sapat na training sa water rescue. Ang tama at angkop na emergency response ay di lamang ukol sa agarang pagdadala ng biktima sa pagamutan. Dapat kasama din dito ang water rescue at ang paglalapat ng first aid at trauma care sa biktima para mabawasan ang mga dead on arrival sa mga ospital,” ani Siao na dating Sports Director ng LGU ng Iligan City.
 
Sabi pa ni Siao, “Ang mga LGU ay dapat i-enlist ang mga dati at kasalukuyang seamen sa kanilang lugar bilang emergency responders dahil may Safety of Life at Sea (SOLAS) training at experience na sila. Pati nga ang libu-libong nursing graduates at nursing students sa bansa ay dapat i-enlist din bilang emergency responders.”
 
Bilang kasapi ng House Committee on Youth and Sports Development, umaasa si Siao na kapag naisabatas ang HB 3495 ay mababawasan na ang kaso ng pagkalunod sa bansa dahil karamihan o kundi man ay lahat ng Pilipino ay matututo nang lumangoy.
 
Ang HB 3495 ay nakasalang sa Committee on Basic Education and Culture sa House of Representatives.

Linkback: https://tubagbohol.mikeligalig.com/index.php?topic=87681.0
John 3:16-18 ESV
For God so loved the world, that he gave his only Son (Jesus Christ), that whoever believes in him should not perish but have eternal life. For God did not send his Son into the world to condemn the world, but in order that the world might be saved through him. Whoever believes in him is not condemned, but whoever does not believe is condemned already, because he has not believed in the name of the only Son of God.

👉 GET easy and FAST online loan at www.tala.com Philippines

Book tickets anywhere for planes, trains, boats, bus at www.12go.co

unionbank online loan application low interest, credit card, easy and fast approval

Tags: