Ni Sheila C. Gravinez
PERSONAL nga gihangyo ni Sinulog Foundation Inc. executive director Ricky Ballesteros si suspended Governor Gwen Garcia nga mosayaw sa grand finale sa Sinulog.
Si Ballesteros nibisita sa buhatan sa suspendidong gobernador sa Kapitolyo kagahapon sa buntag ug gipaabot ang hangyo sa foundation nga mosayaw kini sa grand finale.
Siya nitug-an nga nangita sila og babaye nga maka-portray sa papel ni Reyna Juana ug usa sa ilang gikonsiderar mao si Rizzini Alexis Gomez nga bag-ohay lang nakoronahan isip Miss Tourism International 2012 nga gipahigayon sa Kuala Lumpur, Malaysia niadtong Disyembre 31, 2012.
Sama kang Garcia, ang executive director sa SFI nanghinaut nga makasayaw gihapon og apil sa Sinulog Grand Parade ang gisuspenso nga opisyal karong Enero 20 nga maoy naandan na niini nga buhatan sukad pa niadtong 2004, sa iyang unang termino isip gobernador sa lalawigan sa Sugbo.
“Amo siya giingnan whatever happens, we’re also hoping nga makasayaw gihapon siya,†asoy ni Ballesteros dihang nahinabi sa mga tigbalita sa Kapitolyo human sa closed door meeting nila ni Garcia.
Gipatik sa mantalaang SuperBalita Cebu Enero 05, 2013.Linkback:
https://tubagbohol.mikeligalig.com/index.php?topic=64079.0
Topic: Suspendidong gobernador sa Sugbo gihangyo nga mosayaw sa grand finale sa Sinulog (Read 1590 times)